The Noble Qur'an Encyclopedia
Towards providing reliable exegeses and translations of the meanings of the Noble Qur'an in the world languagesThe Most High [Al-Ala] - Albanian Translation - Rowwad Translation Center (in progress)
Surah The Most High [Al-Ala] Ayah 19 Location Maccah Number 87
Lartësoje emrin e Zotit tënd, më të Lartit,
i Cili krijoi dhe përsosi (çdo gjë),
përcaktoi e udhëzoi,
dhe bëri të mbijnë kullotat
e pastaj i bëri të thahen e të vyshken.
Ne do ta lexojmë ty (Kuranin), kështu që nuk do të harrosh,
përveç asaj që do Allahu. Ai e di të dukshmen dhe atë që fshihet.
Ne do të ta lehtësojmë ty rrugën e lehtë,
prandaj këshillo, nëse këshilla bën dobi,
se do të përfitojë prej saj ai që ka frikë (Allahun)
dhe do t'i shmanget më i mjeri,
ai që do të digjet në Zjarrin e madh,
ku as do të vdesë, as do të jetojë.
Ka fituar ai që pastrohet,
që e përmend emrin e Zotit të vet dhe që falet.
Por ju i jepni përparësi jetës së kësaj bote,
ndonëse jeta tjetër është më e mirë dhe më e qëndrueshme.
Në të vërtetë, kjo gjendet në Fletët e hershme,
në Fletët e Ibrahimit dhe të Musait.