The Noble Qur'an Encyclopedia

Taa, Siin, Miim.[1]

Ɗee ko aayeeje deftere ɓanngunde nden.

Moɗen janngira e maaɗa hoore goonga, kumpital Muusaa e Fir'awna, wonan'de yimɓe gooŋɗinooɓe ɓen.

Pellet, Fir'awna townitino ka leydi; o waɗi yimɓe mayri ndin pecce-pecce: homo lo'ina fedde goo e maɓɓe, o hirsa ɓiɓɓe maɓɓe worɓe ɓen o acca rewɓe maɓɓe ɓen. Pellet, ko e bonnooɓe ɓen o jiyanoo.

Miɗen faandinoo moƴƴagol e lo'inanooɓe ɓen ka leydi; Min mbaɗa ɓe koohooɓe, Min mbaɗa ɓe kadi ronooɓe ɓen.

Min kuɓindina ɓe e leydi ndin, Min kolla Fir'awna e Haamaana e koneeli maɓɓe ɗin, kon ko ɓe kulaynoo.

Min mbhayini e yumma Muusaa, wonn'de: "Muynin mo". Si a hulanoyii mo, ko yo a bugoyo mo ka maayo. Wata a hulu, wata a suno; pellet, Men ruttay mo ka maaɗa, Min mbɗoya mo gooto e Nulaaɓe ɓen".

Yimɓe Fir'awna ɓen kocci mo, fii yo laatano ɓe gaño e suno. Pellet, Fir'awna e Haamaana e koneeli maɓɓe ɗin, ɓe laatino woopɓe.

Debbo Fir'awna on wi'i: "(Kun entum ko) ɓuuɓeendi gite am e an kadi! Wota on war mo, hino gasa ka o nafata en, maa jogitoren mo ɓiɗɗo". Hari ɓe so'aani.

Ɓernde yumma Muusaa nden wonti yeewnde. Haa o eɓɓi feññin'de fii makko, si wonaano Min tabintinnde ɓernde makko nden, fii yo o laato e gooŋɗinɓe ɓen.

[Yumma Muusaa] wi'ani banndiraawo makko on: "Jokkitu mo"; o haynii mo ka de'estii, ɓe so'aa-anndude.

Min karminani mo ko adii, (enɗi) muynirɗi ɗin, (banndiraawo makko on) mbi'i: "On ngaccat mi tinndina on fii yimɓe suudu, ɓe ne'ana on mo, hara kadi ko laaɓanat ɓe mo?"

Min ndtti mo ka yumma makko, fii yo ɓernde makko ɓuuɓu, hara o sunaaki, e fii yo o anndu pellet, fodoore Alla nden, ko goonga. Kono ɓurɓe ɗuuɗude e maɓɓe ngaanndaa.

Nde o yottinoo sagatalaaku makko ngun, o fotondi- ri, Min ngokki mo faamu e ganndal. Ko wano non Min njoɓirta moƴƴinooɓe ɓen.

O naatiri e saare nden, feewndo welsindaare yimɓe mayre; o tawi worɓe ɗiɗo no haɓa ton: goɗɗo on ko jiyaaɗo e leñol makko, oya on ko jiyaaɗo e ayɓe makko ɓen. Jeyaaɗo e leñol makko ngol ɗaɓɓiri faabo e hoore jiyaaɗo e gaño makko on. Muusaa uttii mo, nde gayni fii makko. [Muusaa] maaki: "Ɗum ɗoo, ko jiyaaɗum e kuuɗe seytaane. Pellet, ko o gaño, majjinoowo ɓannguɗo".

O maaki: "Joomi am, mi tooñii hoore-am; haforanam." O haforani mo. Pellet, ko Kaŋko woni Haforoowo, jurmotooɗo On.

O maaki: "Joomi am, sabu ko neeminɗaa ko e am, mi wonataa ballo bomɓe ɓe".

O wonti kulɗo ka saare, homo habbii [nanngeede]. Tawi faabinornooɗo mo on hanki, homo faabinora mo [hannde kadi]. Muusaa maakani mo: "Pellet, ko a bewɗo ɓannguɗo".

Nde Muusaa faandinoo nanngugol tawɗo on ko gaño maɓɓe kamɓe ɗiɗo, o wi'i: "ey ma yo Muusaa, a faala bargol lam, wano ittirnoɗaa woŋkii non haŋki? A faandaaki, si wonaa wonugol dunndarankeejo ka leydi, a faandaaki jeyeede e moƴƴinooɓe ɓeen".

Gorko iwri ka ɓuri woɗɗude e saare nden, homo yaccoo, o wi'i: "eey ma Muusaa, mbatu ngun no fewjana fii bargol maa. Yaltu (e leydi ndin). Ko mi jiyaaɗo e laaɓanooɓe ma".

O yalti ton, ko o kulɗo, himo tijjii [nanngeede]. O maaki: "Joomi am, danɗndam e yimɓe tooñooɓe ɓeen".

Nde o feewtunoo hella Madyana, o maaki: "Hino hasii ka Joomi am fewnirta lam, e laawol pocciingol ngol".

Nde o hewtunoo ka ɓunndu Madyana, o tawi ɗon dental yimɓe, heɓe njarna [daabeeji maɓɓe], o tawi gaanin maɓɓe, rewɓe ɗiɗo, no sogga [dammi maɓɓe], o maaki: "Ko holɗum habbi-ɗon?" Ɓe mb'i: "Min njarnataa haa aynooɓe ɓen nde'estoo, baaba amen, ko mawɗo nayeejo".

O yarnani ɓe [dammi ɗin], refti o huccitiri ka ɗowdi, o maaki: "Joomi am, min ko njippinɗaa e am woo e moƴƴere, ko mi katonjiɗo".

Gooto e [jiwɓe] ɓen ari e makko, homo yahra hersa, o wi'i: "Baaba am no nodde, fii yo o yoɓe njoɓdi kon ko njarnan-ɗaa men". Tuma o hewtunoo ka [mawɗo] on, o sifanii mo fii [makko], o maaki: "Wota a hul, a daɗii yimɓe tooñooɓe ɓen".

Gooto e [jiwɓe] ɓen wi'i: "Ƴettu mo golle, yo baaba. Pellet, ko ɓuri moƴƴude e mo ƴettataa golle, ko doolnuɗo koolniiɗo".

[Mawɗo] on maaki: "Miɗo yiɗi desingol ma gooto e jiwɓe am ɓen ɗoo ɗiɗo, e hoore yo a golla-nam duuɓi jeetati. Si a timminii sappo, haray ko e sago maa; mi faalaaka saɗtinannde ma. A tawat kam, si Alla jaɓii, ko e moƴƴinooɓe ɓen mi jeyaa".

[Muusaa] maaki: "Ɗum wonii hakkunde am e mon. Happu woo e majji ɗiɗi, ɗi mi huuɓni, haray ɓiɗteede alanaa e kam. En waɗii Alla pawtiiɗo e ko wowluɗen kon".

Nde Muusaa timminnoo happu ngun, o yahdi e ɓeydnuure makko, o haynii yiite ka senngo (fello) Tuuri, o maaki ɓeunguure makko nden: "ngonee ɗoo, min mi haynike yiite. Mbelejo'o mi addana on e magge kumpital maa te'annde(docotal) yiite ngen, mbelejo'o itworon".

Nde o heewtunoo nge, o noddiraa ka fonngo ñaamo aynde, ka tummbere barkinaande, ka (takko) lekki, won'nde: "eey ma Muusaa! Ko Miin woni Alla, Jeyɗo winndere nden".

Kadi: "Bugo tuggordu maa ndun"; nde o tinunoo hundu dillira wa mboddi,o huccitiri dogudu, o yeƴƴitaaki. [O noddaa]: "Ko an yo Muusaa! Artu, wota a hul; ko a jiyaaɗo e hooliiɓe ɓeen.

Naatnu juungo maa ngon ka jayba maa, ngo yaltat ranewo, ko aldaa e ñawu. Bakaa e maaɗa, juuɗe maa ɗen, fii kulol ngol. Ɗiin ko hujjaaji ɗiɗi, immorde ka Joomi maa, haa e Fir'awna e dental mum, pellet, ɓeen laatike yimɓe faasiqiiɓe".

O maaki: "Joomi am, mi ittiino wonkii e maɓɓe, miɗo huli nde ɓe mbarata kam.

Ko musiɗɗo am on Haaruuna, ɓuri kam laaɓude ɗemngal. Immindin-mo e am, ko ballitoo kam, gooŋɗiam-mi; miɗo huli nde ɓe fennata kam".

[Alla] daali: "Min cemmbinirat tere maa ɗen, musiɗɗo maa on, Min mbaɗana on hujja (e cemmbe); ɓe hewtirtaa on ɗiɗo, sabu aayeeje Amen ɗe [Min nuli e] mo'on, e ɓen jokkuɓe on foolɓe".

Nde Muusaa addunoo e maɓɓe aayeeje Amen ɗen ɓannguɗe, ɓe mbi'i: "Ɗum wonaani, si wonaa mbilewu fekindaangu. Min naniraani ɗum baabiraaɓe amen adinooɓe ɓen".

Muusaa maaki: "Ko Joomi am ɓuri anndude on arduɗo e peewal, immorde to makko, e on mo battane moƴƴe woodani ka La'akara. Pellet, O malnataa tooñooɓe ɓen".

Fir'awna wi'i: "eey mon dental, mi anndanaa on deweteeɗo, si wonaa min. Eey ma yo Haamaana, huɓɓinanam [yiite] e loopal ngal, mahiranaa kam huɓeere toownde, no gasa ka mi ƴellitoo e Deweteeɗo Muusaa On; tawde miɗo sikki mo e fenooɓe ɓen".

O townitii ka leydi, kaŋko e koneeli makko ɗin, ko aldaa e goonga. Ɓe cikki won'de ɓe ruttitetaako ka Amen.

Men nanngi mo, kaŋko e koneeli makko ɗin, Min mbugii ɓe ka maayo. Tasko, ko honno battane tooñɓe ɓen mba'unoo.

Min mbaɗi ɓe ardiiɓe, noddoo ɓe e Yiite. Ñande Darngal, ɓe walletaake.

Min njokkintiniri ɓe ka aduna ɗoo, kuddi. Ñalnde Darngal, ko ɓe jiyaaɓe e woɗɗintinoyteeɓe [e yurmeende Alla].

Gooŋɗii Min ngokkii Muusaa Deftere nden, ɓaawo nde Min kalkunoo gire arane ɗen, ko nde ndayginorde yimɓe ɓen, e peewal e yurmeende. Mbelejo'o, ɓe mbaajitorat.

A tawanooka ka senngo hiirnaange, fewndo Min mbahyinnoo e Muusaa yamiroore nden, a jeyanooka kadi e seediiɓe ɓen.

Kono Minen ngoni ni tagkɓe gire, duuɓi maɓɓe juuti. A hoɗaano kadi e yimɓe Madyana ɓen, haɗa janngana ɓe Aayeeje Amen; ko Minen ngoni nulɓe.

A tawanooka ka senngo Fello Tuuri, fewndo Min noddunoo; ko yurmeende immorde ka Joomi maa [woni ko Min nulir-maa], fii no njeertiniraa yimɓe, ɓe reentinoowo araali e maɓɓe, ado maaɗa, mbelejo'o, ɓe mbaajitoto.

Si wonaano fii yo lepte yanir e maɓɓe, sabu ko juuɗe maɓɓe ardini, ɓe wi'ayno: "Joomi amen, ko haɗno imminaa Nulaaɗo e amen? Min njokka nun aayeeje Maa ɗen, men njeyee e gooŋɗimɓe ɓen".

Nde o addirannooɓe goonga kan, immorde ka amen, ɓe mb'i: "Ko haɗno o okkee yeru ko Muusaa okkanoo kon?" Kere ɓe njeddaano ko Muusaa okkanoo kon ko adii? Ɓe mbi'i'i: "Ko bileeji ɗiɗi, ɗi no wallindira!" Ɓe mbi'i kadi: "Ko min yedduɓe fof e mun".

Maaku: "ngadee deftere immorde ka Alla, hara hende ɓuri ɗee ɗiɗi feewde, mi jokkaynde, si on laatike goongunɓe".

Si ɓe njaabaaki ma, anndu ko mbeleeɗe maɓɓe ɓe njokkata. Ko hommbo ɓuri majjude ɓuri oon jokkirɗo mbeleeɗe mun, ko aldaa e peewal immorde ka Alla? Pellet, Alla feewnata yimɓe tooñooɓe ɓen.

Gooɗii Min hewtinii ɓe Konngol ngol, mbelejo'o, ɓe mbaajitora.

Ɓen ɓe Min ndokki Deftere [Tawreeta] nden, ko adii [Alqur'aana] ndee, ko ɓe gooŋɗinɓe nde.

Si nde janngaama e dow maɓɓe, ɓe mbi'a: "Min ngooŋɗinii nde. Ko nde goonga immorde ka Joomi amen. Pellet min woniino jebbiliiɓe, ado mayre".

Ɓeen ɗon, ɓe jonniroyte njoɓdi maɓɓe ndin, laabi ɗiɗi, sabu ko ɓe muñinoo kon, heɓe nduñiraynoo moƴƴere nden, bone on, e hu'unde nde Min ngarsiki ɓe nden, heɓe nafqa.

Si ɓe nanii meerente, ɓe ɗuurnoo e ɗum, ɓe mbi'a: "Ko minen golle amen ngoodani, ko onon kadi golle mon nhoodani. Kisal wonii e mo'on. Min ɗaɓɓataa wonndugol e majjuɓe ɓen".

Pellet, an (Nulaaɗo), a feewnata mo njiɗɗaa; kono Alla no feewna on Mo O muuyi. Ko Kaŋko ɓuri anndude feewɓe ɓen.

Ɓe mbi'i: "Si min njokkidii peewal ngal e maa, men biftete ka leydi amen". E Min hoɗiniraali ɓe e nokku horminaaɗo, koolniiɗo, mo dimɗe noone kaka addetee e mun, arsike immorde ka Amen? Si ko woni, ko ɓuri ɗuuɗude e maɓɓe, ɓe nganndaa.

Ɗuuɗii ko Min kakli, e yimɓe ca'e, bewrunooɓe nguuree mum, e homo non galleeji maɓɓe ɗin, koɗiraaka ɓaawo maɓɓe, si wonaa seeɗa. Min laatii wonn'de ronooɓe ɓeen.

Joomi maa siforaali won'de kalkoowo yimɓe ca'e, haa O immina e leñol maɓɓeɗen, Nulaaɗo, ko janngana ɓe aayeeje Amen ɗen. Min siforaali kadi kalkugol yimɓe ca'e, si wonaa hara yimɓe majje ko tooñuɓe.

Kala ko ngokkaɗon e hu'unde, ko dakamme nguurndam aduna e cuɗaari mun; ko ko woni ka Alla kon, ɓuri moƴƴude, woni kadi ko luttata. E on haqqiltaa?

Eey mon Min podi fodaari moƴƴuri, ndi o hawrata e mu'un, wa'ata wa on mo Min ndakmitiri dakamme nguurndam aduna, refti hara kaŋko on, Ñalnde Darngal, ko e tawneteeɓe (ka Yiite) ɓen o jeyaa?

Ñande O noddoyta ɓe, O wi'a: "Ko hoɗo kafidaaɗi am, ɗin ɗi ngaaƴoratnoɗon woni?"

Ɓen ɓe Konngol jojji e Mu'um wi'a: "Joomi amen, ko ɓee ngoni ko min bewinnoo. Min bewinirno ɓe, wano men bewirnoo. Min daɗndinike e Maaɗa. Wonaa minen ɓe ndewatnoo".

[Ɓe] mb'anee: "Noddee non kafidaaɗi mon ɗin". Ɓe nodda ɗi, kono ɗi njaabotaako ɓe. Ɓe nji'a lepte ɗen, (ɓe njeloo) sinno hara ɓe peewuno.

Ñande O noddoyta ɓe, o wi'a: "Ko holɗum njaabinoɗon Nulaaɓe ɓen?"

Lamitorɗi ɗin mbumiɗana ɓe nden ñande, ɓe lamndondirtaa.

Si ko tuubuɗo, o gooŋɗini, o golli moƴƴuɗi, hino hasii ka o jeyee e malaaɓe ɓeen.

Joomi maa no taga ko o muuyi, O suɓoo; suɓagol alanaa ɓe. Senaade woodanii Alla! O toowii e kon ko ɓe cirkata!

Joomi maa no anndi ko ɓerɗe maɓɓe ɗen cuuɗata, e kon ko ɓe peññinta.

Ko Kaŋko Alla woni, Mo deweteeɗo alaa, si wanaa Kaŋko. Ko Kaŋko jettooje nhoodani aduna e La'akara. Hino woodani Mo ñaawoore nden. Ko ka Makko rutteteɗon.

Maaku: "njeewtee kam, Si Alla waɗiranii on jemma on, duumiiɗo haa Ñande Darngal, ko deweteeɗo hommbo, tanaa Alla, addanta on ndayngu? E on nanataa?"

Maaku: "njeewtee kam, Si Alla waɗiranii on ñalorma on, duumiiɗo haa Ñande Darngal, ko deweteeɗo hommbo, tanaa Alla, addanta on jemma, mo deeƴoton e mun? E on nji'ataa?"

Hino jeyaa e yurmeende Makko, O waɗiranii on jemma e ñalawma; fii no deeƴiron e (jemma) on, e no ɗaɓɓiron ( e ñalawma on), ɓural makko, e no mbelajo'o njettiron [Mo] .

Ñande O noddoyta ɓe, O wi'a: "Ko holto kadidaaɗi(renndidiiɗi) am, ɗin ɗin ngaaƴoratnoɗon ngoni?"

Min ɗoofi e kala mofte, seedotooɗo, Min mbi'a: "ngddee hujjaajji mon ɗin". Ɓe ngnndi wonn'de goonga kan, ko Alla woodani; ko ɓe fekindotonoo kon majjitora ɓe.

Pellet,Qaaruuna ko e yimɓe Muusaa ɓen jeyanoo,kono o bewi e maɓɓe.Min ngokki mo ngaluuji tawat-ɗi coktirɗe mum,no teddana jamaa doolnuɗo.Nde yimɓe makko ɓeen,mbiatno mo:Wata a weltor townitaare.Pellet Alla yiɗaa weltortooɓe toownitaare.

Ɗaɓɓir ko Alla okku-maa kon, galle laakare ɗen. Wota a yejjit geɗal maa ngal aduna. Moƴƴir no Alla moƴƴorii non e maaɗa. Wata a ɗaɓɓu bonnugol ka leydi. Anndu pellet, Alla yiɗaa bonnooɓe ɓen".

O wi'i: "Ko mi okkiraa ɗum, ko e hoore ganndal ngal mi jogii". E o anndaa wonn'de gooŋɗii Alla kalkiino gire, adiiɓe mo, ɓurɓe doole, ɓuri mo ɗuuɗude jawle? Ɓe lamndoytaake fii bakkaat maɓɓe, kamɓe bomɓe ɓen!

O yaltitiri e yimɓe makko ɓen, cuɗaari makko ndin. Yiɗuɓe nguurndam aduna ɓen mbi'i: "Hara nun min keɓayno sugu koo ko Qaaruuna okkaa. Kaŋko on, pellet, ko o jom-geɓal mawnungal".

Okkaaɓe ganndal ɓen kan mbi'i: "Ee bone mon! Ko mbarjaari Alla ndin ɓuri moƴƴannde on gooŋɗinɗo o golli ko moƴƴi". Kono hawrataa e ɗuum, si wonaa muññiiɓe ɓen.

Min mutindini mo e galle makko ɗen, ka leydi. Fedde woo alanaa mo, ko paaboo mo gaanin Alla, o wonaano paabotooɗo hoore-mum.

Ɓen yelinooɓe nokku makko on haŋki mum, ɓe mbaɗti wiide: "Ee bone! Alla no wertana arsike on, Mo O muuyani e jiyaaɓe Makko ɓen, O ɓiɗtinana [Mo O muuyani]. Si wonaa Alla moƴƴinoo e amen, O mutinayno men. Ee bone! Jaka O malnataa yedduɓe ɓen".

Ɗen galle laakara, Min mbaɗanii ɗe ɓen ɓe yiɗaa townitaare ka leydi, wonaa kadi bonnugol. Battane moƴƴe ɗen, ko fii gooŋɗuɓe ɓen.

Kala garduɗo e moƴƴere, hino woodani mo ko ɓuri nde moƴƴude; kala kadi garduɗo e bonannde, (yo o anndu) huuwuɓe bonɗi ɗin yoɓetaake, si wanaa ko ɓe huuwaynoo kon.

Pellet, jippinɗo Alqur'aana on e maaɗa, ko duttoo-wo ma ka woowaandi maa. Maaku: "Ko Joomi am ɓuri anndude arduɗo e peewal, e gonɗo e majjere ɓanngunde".

A wonaano tamƴininooɗo jippineede deftere nden e maaɗa. Si wonaa tun, ko yurmeende immorde ka Joomi maa. Wota won muk, balloowo heeferɓe ɓen.

wota ɓe palo ma kadi e aayeeje Alla ɗen, ɓaawo ɗe jippineede e maaɗa. Noddu (yimɓe ɓen) fa'ade e Joomi maa, wota a won muk, jiyaaɗo e sirkooɓe ɓen.

Wota a rewudu e Alla, deweteeɗo goo. Deweteeɗo goo alaa, si wonaa Kaŋko. Hu'unde fof re'ay, si wonaa Jaati Maako Kin. Ko Kaŋko woodani ñaawugol; ko ka Makko kadi ndtteteɗon.