The Noble Qur'an Encyclopedia

EEHEY mon yimɓe! Kulee Joomi mon On Takɗo on immorde e woŋkii goooti, O Tagi immorde e makki debbo makki, O Saaki immorde e ɓen ɗiɗo worɓe ɗuuɗuɓe e rewɓe. KUlee Alla On Mo naamnanirton sabu mun, [rentoɗon kadi] e enɗammaaje ɗen. Pellet, Alla Laatike e dow mon Deenoowo.

Jonne wonduɓe ɓen jawɗeele maɓɓe ɗen. Wata on waostondir soɓe ɗen ko laaɓi. Wata on ñaamu jawle maɓɓe ɗen [waɗton ɗum] e jawle maɓɓe ɗen. Pellet, ɗum laatike bakkaatu mawɗo.

Si on kulii roŋkugol nunɗude e wonduɓe ɓen, ndeesee ko laaɓani on e rewɓe, ɗiɗo e tato e nayo. Si on kulii roŋkugol nunɗude, waɗee gooto maa ɓe jeyruɗon ñaame mon ; ko ɗum ɓuri ɓaɗtaade nde on tooñu.

Jonniree rewɓe ɓen teŋe maɓɓe ɗen dokkal. Si ɓe anniyanike on goɗɗum e ɗen [teŋe] e hoore laaɓal woŋkii, ñaamee ɗum, no newanii on ɓuuɓani on.

Wata on jonnitu ɗayɓe ɓe jawɗele mon ɗen ɗe Alla Waɗirani on dartorɗe. Ñamminee ɓe e majje, koltinon ɓe, wowlanon ɓe konngol moƴƴol.

Njarribee wonduɓe ɓen si ɓe yottike desal, si on so'ii e maɓɓe peewal, njonniteeɓe jawɗeele maɓe ɗen, wata on ñaamir ɗe faŋtinngol e heɗoo yo ɓe mawnude. On tawɗo ko o galo, yo o naŋto, on tawɗo ko o baaso, yo o ñaamir no moƴƴiri. Si on jonnitiiɓe jawle maɓɓe ɗen, seedinee e dow maɓɓe. Alla Yonii Hasboowo.

Hino woodani worɓe ɓen : geɗal immorde e kon ko neene e baaba acci e ɓadondiraaɓe ɓen, hino woodani kadi rewɓe ɓen : geɗal e kon ko neene e baaba acci e ɓadondiraaɓe ɓen ; ɗuuɗi famɗi e mun, ko geɗal parlaangal.

Si joomiraaɓe ɓadondiral en e wonduɓe ɓen e waasuɓe tawaama peccugol ngol okkoreeɓe e mun, wowlanon ɓe konngol moƴƴol.

Yo hulu ɓen, si tawno ko kamɓe angaccunoo ɓaawo maɓɓe ngeñcudi lo'uɓe, ɓe kultana ɓen, yo ɓe kulu Alla ɓe wowla konngol sawaaba=peewngol.

Pellet, ɓen ñaamirooɓe jawɗeele yimɓe ɓen e hoore tooñee, pellet ko ɓe woni ñaamude kon ɓe waɗa e deedi maɓɓe, ko yiite, arma ɓe naata huɓɓunge.

Alla no Yamira on e fii ɓiɗɓe mon ɓen : hino woodani gorko yeru ngeɗu rewɓe ɗiɗo. Si ɓe laatike rewɓe ɓurɓe ɗiɗo, hino woodani ɓe tataɓe ɗiɗi e ko o acci. Si o laatike gooto, hino woodani mo feccere. Hino woodani neene e baaba makko gooto kala e maɓɓe jeegoɓal, immorde e ko o acci, si tawii himo mari ɓiɗɗo. Si o maraa ɓiɗɗo, jipnaaɓe makko ɓen roni mo, hino woodani yumma makko tataɓal. Si tawii himo mari neene-gootooɓe, hino woodani yumma makko jeegaɓal. Ɓaawo siinugol wasiyee mo o wasiyii maa yoɓugol ñamaande nde o ñamlinoo. Baabiraaɓe mon ɓen e ɓiɗɓe mon ɓen, on nganndaa ko hommbo e maɓɓe ɓuri ɓadoraade on nafoore. Ɗum ko farilla immorde ka Alla. Pellet, Alla Laatike Annduɗo Ñeeñuɗo.

Hino woodani on feccere e ko rewɓe mon ngacci, si tawii ɓe maraa ɓiɗɗo. Si tawii hiɓe mari ɓiɗɗo, hino woodani on nayaɓal e kon ko ɓe aaci, ɓaawo siinugol wasiyee mo ɓe wasiyii maa yoɓugol ñamaande [maɓɓe]. Hino woodani rewɓe mon ɓen nayaɓal e kon ko ngaccuɗon, si tawii ɓiɗɗo alanaa on. Si tawii hiɗon mari ɓiɗɗo, hino woodani ɓe jeetataɓal e kon ko ngaccuɗon, ɓaawo siinugol wasiyee mo mbasiyiɗon maa yoɓugol ñamaande [mon]. Si wonii gorko no ronee (annda)debb o, hara himo mari banndiraawo debbo, maa musɗɗo hino woodani kala maɓɓe jeegaɓal. Si ɓe laatike ɓurɓe ɗum e ɗuuɗude, kamɓe ko hawtuɓe ka tataɓal, ɓaawo wasiyee wasiyaaɗo maa yoɓugol ñamaande nde wonaa lorraynde. Ɗum ko Wasiyee immorde ka Alla. Alla ko ganduɗo Muññiiɗo.

Ɗin ko Keeri Alla. Kala ɗoftiiɗo Alla e Nulaaɗo Makko on, o naaday mo Aljannaaji, caatlii no ila e ley majji : ko ɓe duumotooɓe ton. Ko ɗum woni malal mawngal.

Kala mo woopi Alla e Nulaaɗo Makko on, o taƴci Keeri Makko ɗin, O Naatnay mo yiite nge o luttata e muuɗum ; hino woodani mo lepte koynooje.

Ɓen waɗooɓe paŋkare immorde e rewɓe mon ɓen, ceetnee e maɓɓe nayo jeyaaɓe e mo'on. Si ɓe ceedike, jogiteeɓe ka cuuɗi haa maayde nden waro ɓe, maa Alla Waɗane ɓe laawol [yaltirngol].

Ɓen ɗiɗo gollooɓe fijuɓe [paŋkare ɗen] e mo'on, lorree ɓen. Si ɓe tuubii ɓe moƴƴinii, ɗuurnoɗon e maɓɓe. Pellet, Alla Laatike Jaɓoowo tuubuubuyee jurmotooɗo.

Ganndee tuubuubuyee on ka Alla, ko wonannde ɓen gollirooɓe bone sabu majjere, refti ɓe tuuba ka ɓadii. Ɓen ɗon, Alla Jaɓanay ɓe tuubuubuyee. Alla Laatike gannduɗo Ñeeñuɗo.

Tuubuubuyee alanaa ɓen gollirooɓe bone haa tuma maayde nden arani gooto e maɓɓe o wi'a : "Min mi tuubii jooni", wanaa kadi ɓen maayooɓe hara kamɓe ko ɓe heeferaaɓe. Ɓen ɗon, Men keplanii ɓe lepte muusuɗe.

Ko onon yo goŋɗinɓe, dakantaako on nde ronirton rewɓe ɓen e ɓur, dooleyaagu wata on l aagu ɓe fii yo on keɓtu yoga e ko okkunoɗon ɓe, si wanaa hara ɓe waɗu paŋkare ɓannguɗo. Wonndiree e maɓɓe no moƴƴiri. Si on añii ɓe, hino jortaa nde ngañoton huunde, Alla Waɗa e mayre moƴƴere ɗuuɗunde.

Si on njiɗii waɗtitude debbo nokku debbo goo, hara hiɗon jonni goɗɗo e maɓɓe jawdi [heewundi], wata on jaɓitu e mayri hay e huunde. E on jaɓirayndi tooñdee bakkaatu ɓannguɗo?

Ko honno ƴettirton ndi, gooŋɗii yoga e mon yottike e yoga, ɓe jogitike e mon ahadi tekkundi?

Wata on nes ɓen ɓe baabiraaɓe mon ndesno e suddiiɓe si wanaa ɗum ko feƴƴunoo. Pellet, ɗum laatinoke paŋkare e hutaare e bonde laawol.

Harminanaama on : neeniraaɓe mon ɓen, e jiwɓe mon ɓen, e banndiraaɓe mon rewɓe ɓen, e yaayiraaɓe mon ɓen, e neeniraaɓe mon ɓen ka dewol, e jiwɓe yumma gooto mon [gorko], e jiwɓe banndiraawo mon rewɓe, e neeniraaɓe mon muynimɓe on, e banndiraaɓe mon ɓen ka muynan, e neeniraaɓe ɓeynguuli mon, e njutteeɓe mon won ɓe ka cuuɗi mon iwɓe e ɓeynguuli mon ɓe naatiduɗon e suudu ; si tawii non on naatidaali e maɓɓe suudu, bakkaatu fawaaki on [e resugol ɓen], e [rewɓe] daganiiɓe ɓiɗɓe mon ɓen iwɓe ka keeci, e nde mooɓindirton hakkunde neene-gootooɓe ɗiɗo, si wanaa ɗum ko yawtunoo. Pellet, Alla Laatike Haforoowo Hinnotooɗo.

E ɓeen saŋiiɓe ɓen ummorde e rewɓe, si wonaa ɓeen ɓe njeyruɗon ñaame mon. Ɗum ko Farilla Alla e dow mooɗon. Daginanaama on ko woni ɓaawo ɓen ɗon, nde ɗaɓɓirtonɓe jawɗeele mon hara ko on saŋiiɓe tawa on ngonaa jinooɓe. Kala mo ndakmitorɗon e maɓɓe desal : njonniteeɓe teŋe maɓɓe ɗen. Ko farilla. Bakkaatu fawaaki e fii ko yarlondirɗon e mun ɓaawo farilla on. Pellet, Alla Laatike gannduɗo Ñeeñuɗo.

Kala e mooɗon mo hattaaaki feere resde saŋiiɓe gooŋɗinɓe, ko [resugol] ɓen ɓe njeyirɗon ñaame mon, immorde e boomi mon gooŋɗinɓe. Alla no Anndi gooŋɗinal mon ngal. Yoga e mon ko e yoga ndesireeɓe yamiroore yimɓe maɓɓe ɓen, njonniron ɓe teŋe maɓɓe ɗen no moƴƴiri. Saŋiiɓe hara wanaa jinndooɓe njaatoo. Si ɓe saŋiike ɓe ngaddii paŋkare, no fawii emaɓɓe feccere ko fawii dow saŋiiɓe rimɓe ɓen e lepte. Ɗum, ko fii on kulɗo e mo'on yanugol e jinaa. Ko nde muññotoɗon ɓuri moƴƴannde on. Alla jaafotooɗo jurmtooɗo.

Allaahu O o faala Ɓann laɓɓinanade on O Feewna on e laabi ɓeya adinooɓe on, O Jaɓana on tuubuubuyee. Alla ko gannduɗo, Ñeeñɗo.

Alla no Faala de O Jaɓanta on tuubuubuyee, ɓeen jokkuɓe beleeɗe faalaa de ooñorton ooñannde mawnde.

Alla no Yiɗi de Hayfinanta on, neɗɗaŋke tagaama ko o lo'uɗo.

Eehey yo mon gooŋɗininɓe, wata on ñaamir jawlɗeele mon ɗen hakkunde mooɗon e mehre, si wanaa hara ko e njulaaku ngu welaɗon e muuɗum. Wata on mbar pittaali mon ɗin. Pellet, Alla seerani koH innotkoooɗo on.

kala golluɗo ɗum e hoore ngañngu e tooñange, aray Men Naatna mo yiite : ɗum wonii newaniiɗum Alla.

Si on woɗɗitike [bakkaatu] mawɗi ɗi haɗaɗon ɗin e mun, Mein poppanat on bonɗi mon ɗin, Min Naatnira on e naatirgal teddungal.

Wata on njelo ko Alla Ɓurniri yoga e mon dow yoga. Hino woodani worɓe ɓen geɗal e ko ɓe paggatii kon, hino woodani kadi rewbe begeɓal e kon ko ɓe paggatii. Tororee Alla e Ɓural Makko he. Pellet, Alla Laatima (seerani)ko gannduɗa kala huunde.

Wonan de mo kala Min mbaɗanii ɗum ronooɓe [heftuɓe] e ɗum ko jipnaaɓe ɓen ngacci, e ɓadondiraaɓe ; e ɓen ɓe ahodunoɗon e mun : njonneeɓe geɗal maɓɓe ngal. Pellet, Alla Laatima (seeraani) cediiɗo e kala huunde.

Worɓe ɓen ko fawaɓe [e daranaade daŋkiitag ol] rewɓe ɓen, sabu ko Alla Ɓurniri kon yoga maɓɓe e dow yoga, e sabu kon ko nafki jawɗeele maɓɓe. [rewɓe] moƴƴuɓe ɓen, ko yaŋkiniiɓe reenotooɓe ka wirnii, sabu kon ko Alla Reenini ɓe.Ɓen [rewɓe] ɓe kuloton dartagol(cuwtagol) mun : mbaajeeɓe, peronɓe ka mbalndiji, piyonɓe. Si ɓe ɗoftike on, wata on ɗɓɓir e dow maɓɓe laawol ! Pellet, Alla Laama seeraani(Toowuɗo), ko Mawɗo.

Si on kulii lurral hakkunde maɓɓe, imminee ñaawoowo immorɗo ka yimɓe gorko on e ñaawoowo immorɗo ka yimɓe debbo on. Si ɓe faandike moƴƴinngol, Alla Hawrindinay hakkunde maɓɓe. Pellet, Alla Laatima gannduɗo, kumpitiiɗo.

Ndewee Alla wata on kafidu e Makko hay huunde. Jibipnaaɓe mon ɓen moƴƴoɗon e maɓɓe, e joomiraaɓe ɓadondiral'en, e wonduɓe ɓen, e waasɓe ɓen, e koɗdiijo jom-ɓaɗlondiraaɗo, e koɗdiijo baŋŋe (goɗɗuɗo,) e wonndiɗɗo baŋŋe, e ɗatniino, e ɓen ɓe jeyruɗon ñaame mon. Pellet, Alla Yiɗaa kala on laatiiɗo ñaaƴoowo mantotooɗo :

Ɓen ɓe no ngorɗira, ɓe yamira yimɓe ɓen ngorɗir, ɓe suuɗa kon ko Alla okki ɓe e Ɓural Makko. Men Maranii heeferɓe ɓen lepte hoynooje.

E ɓen ɓe no nafqira jawlɗeee mun ɗen ka yeengo e yimɓe ɓen, ɓe gooŋɗiŋtaa Alla wanaa Ñalaande Sakkitiinde nden. Kala on mo seytaane wonani ɗum cinndodiijo : haray o bonii cinndodiijo!

E ko honɗum fawinoo ɓe si ɓe gooŋɗinno Alla e Ñalaande Sakkitiinde nden ɓe nafqi e kon ko Alla Arsike ɓe ? Alla seeraani ko gannduɗo ɓe.

Pellet, Alla Tooñataa hay fotde gabbel- jarra si wonii ko moƴƴere, O Soway nde, O Okka immorde ka Mokko njoɓdi mawndi.

Ko honno si tawii Men ngaddoyii immorde e kala leñol ceeditotooɗo, Min ngadduma ha ngonaa ceeditotooɗo e dow ? Ɓee(leñolma)..

Ñaɗnde, hee heeferɓe ɓee woopnooɓe ɓen Nulaaɗo on yeloto hara nun ɓe fonndeteno e leydi ndin, ɓe suuɗataa Alla hay konngol

Ee hey mon gooŋɗinɓe, wata on ɓaɗto juulde den hara ko on siwruɓe haa aganndon ko wowloton ; wanaa de ngonduɗon e janaaba, ha lootoɗon maa ko on taƴitooɓe laawol haa laɓɓinoɗon. Si on laatike nawnuɓe, maa hiɗon e hoore jahal, maa ɓaawo hoggo arii goɗɗo e mon(yaadon dow wuro), maa on soccondirii e rewɓe ɓen on heɓaali ndiyam, taamoree mbullaari(leydi) laaɓundi : mowlon geece mon ɗen e juuɗe mon ɗen. Pellet, Alla Laatike jaafotooɗo Cuhroowo

E a yi'aali faade e ɓen okkaaɓe geɗal e ɗefte ɗen, hiɓe cooda majjere nden, hiɓe faalaa nde majjoton laawol [poccingol] ngol ?

Ko Alla Ɓuri Anndude añɓe mon ɓen. Alla yonii Giɗo, Alla yonii Ballo.

Hino e ɓeya alyahuudaaɓe waylooɓe konngol ngol e nokku maggol ɓe wi'a: "Men nanii men yeddii ; heɗo ko wanaa nannateeɗo, aynu men", ka hallugol ɗemɗe maɓɓe ɗen e yuwugol ka diina. Hara nun ɓe wi'ayno : "Men nanii men ɗoftike nanu ndaaraa", ko ɗum ɓuraynoo moƴƴannde ɓe, ɓura foccaade. Ko woni tun, Alla Huɗirii ɓe geddi maɓɓe ɗin, ɓe gomɗiŋtaa si wanaa seeɗaa.

Eehey mon okkanooɓe Defte, gooŋɗinee ɗuum komin njippini hina gooŋɗina nden won dunde e mon, ado Men Mehude jeece [mon ɗen] Men Ruttiraɗe ɓabbe majje, maa Men meska ɓe on wano Men meskirnoo non yimɓe asewe ɓen. Fiyaake Alla on Laatke golloteeɗo.

Pellet, Alla yaafotaka kafidoowo Mo e goɗɗum, Himo Yaafo ko jaasi ɗum wonan de on Mo O Muuyi. Kala on kafiduɗo Alla e goɗɗum, gooŋɗii o fekandiima bakkaatu mawɗo.

E a yi'aali ɓen ɓe no laɓɓina (mbuppa)ko`e maɓɓe ? Ko woni, Ko Alla Laɓɓinta (wuppata)on mo Muuyi, ɓe tooñetaake yeru gurun tamaro.

Ndaarii ko hol no ɓe woni fekindoraade e Alla fenaade ! Ɗum ɗon yonii bakkaatu feeñuɗo.

E mati a yiani ɓeen okkanooɓe geɗal ka Deftere, hiɓe gooŋɗina sanamuuji e bewinayɗi ɗin, hiɓe wi'ana ɓen heeferɓe : "Ko ɓee ɗoo ɓuri feewde laawol e dii ɓeya gooŋɗinɓe ? !".

Ko ɓeen woni ɓe Alla Huɗi ɓe, kala mo Alla Huɗi noon, a heɓantaa mo balloowo.

Kaa hinaɓe woodani geɗal e laamu ? Oon tuma, ɓe okkataa yimɓe ɓe yeru gufel tamaroore.

Kaa ɓe añanat yimɓe ɓee (nelaaɗo)Alla juul e mum. Hisna ɗum.)koAlla Okki ɓe kon e Ɓural Makko ? Gooŋɗii Men Okkii ɓeynguure Ibraahiima nden Defte e ganndal (ñeeñal, )Men Okki ɓe Laamu Mawngu.

Hino e maɓɓe on gooŋɗinɗo nde, no e maɓɓe kadi on paddiiɗo nde. Jahannama yonii kuɓɓugole.

Pellet, ɓen yedduɓe aayeeje Amen ɗen, aray Men Naatnaɓe ɓe yiite : tuma kala guri maɓɓe ɗin ɓenndi, Men Waɗtitana ɓe guri goɗɗi fii no ɓe meeɗira lepte ɗen. Pellet, Alla Laatike jaaliiɗo, (elaamumum)Ñeeñuɗo.

Ɓen goooŋɗinɓe ɓe golli golle moƴƴe, aray Men Naanatɓe Aljannaaji ɗi no ila e ley majji caatlii, ko ɓe duumotooɓe ndeer toon hino woodani ɓe toon rewɓe laɓɓinaaɓe Min Naatnaɓe ɓe ɗowdi duumiindi.

Pellet, Alla no Yamira on tottoton koolaaje ɗen faade e joom ma je ɓen, e si on ñaaway hakkunde yimɓe ɓen nde ñaawirton nunɗal. Pellet, ko Alla Waajorta on kon labaama. Pellet, Alla Laatike Nanoowo, Yi'oowo.

Eehey mon gooŋɗinɓe, ɗoftee Alla ɗoftoɗon Nulaaɗo on e joomiraaɓe fiyaake e mooɗon. Si on luutri e huunde, ruttee nde ka Alla e ka sunna Nulaaɗo on, si on laatike gooŋɗimɓe Alla e Ñalaande Sakkitiinde nden. Ko ɗum ɓuri moƴƴude ɓuri labeede battane.

E a yi'aali ɓen ɓe no nodditooɓe wonnde kamɓe ɓe gooŋɗiniɗinii kon ko Jippinaa e maaɗa e kon ko Jippinaa ado maaɗa? Hiɓe faalaa nde ɓe ñaawinoytoo ka bewinayɗi ɗin, gooŋɗii heɓe njamiraama nde ɓe njeddata ɗi. Seytaane non hino faalaa majjinnde ɓe majjere woɗɗunde.

Si ɓe mbiaama: "ngaree faade e kon ko Alla Jippini e faade e Nulaaɗo on", a yi'ay naafigee6e ɓe no paddo e maaɗa kala paddagol.

Ko honno [wonirta] si tawii musiiba heɓirii ɓe sabu ko ɓe ardiniri juuɗe maɓɓe, refti ɓe ngara e maaɗa hiɓe ngooɗdira Alla : "Min paandaaki si wanaa moƴƴinngol e kawrinndinal?!".

Ko ɓeen ngoni ɓe Alla homba Anndi ko woni ndeer ɓerɗe maɓɓe, ɗuurnoɓe , mbaajoɗaa ɓe, kaalonaaɓe konngol jottotongol ka pittaali maɓɓe.

Min Nuliraali Nulaaɗo [woo] si wanaa fii yo o ɗofte e e sakkiroore Alla. Hara nun tuma ɓe tooñunoo pittaali maɓɓe ɗin, ɓe ngarno ema ɓe imsinii e Alla, Nulaaɗo on imsinanii ɓe, ɓe tawayno Alla ko Jaɓoowo tuubuubuyee, jurmotoodo.

Hey, Mi Wooɗndirii Joomi maaɗa, ɓe ngooŋɗɗntaa haa ɓe ñaawinora maa huunde ko yani hakkunde maɓɓe, refti ɓe keɓataa ɓitteende ka pittaali maɓɓe e kon ko ñaawuɗaa, ɓe njebbiloo kala jebbilagol.

So tawno min parluno e maɓɓe won de : "mbaree pittaali mon ɗin", maa "njalton e galleeji mon", ɓe mbɗataano ɗum si wanaa seeɗaa e maɓɓe. Sinno kamɓe ɓe mbaɗno kon ko ɓe mbaajoranoo, ɗum laatotono moƴƴere wonan de ɓe, ɓura tiiɗude kadi tabital :

Nden tuma, min ngokkatnoɓe immorde ka amen, njoɓdi mawndi,

Min pewno ɓe laawol poƴcingol.

Kala ɗoftiiɗo Alla e Nulaaɗo on : ɓeen ɗoon ngondoyta ɓeen ɓe Alla waɗi dookem dowe muen gila e annabaaɓe, ha e goonguɓe, e sahiddinnooɓe, e moƴƴube. Ɓen ɗon moƴƴii wonndiiɓe !

Ngal ɗon Ɓural ko immorde ka Alla, Alla Yonii gannduɗo !

Ee hey mon gooŋɗinɓe, njogitee deentorɗi mon ɗin, ndunnjon ko on seertuɓe maa runnjon on rentuɓe.

Hino e mon neeɓnotooɓe, si musiiba heɓii on, o wi'a : "Gooŋɗii Alla Neeminii e am, nde tawnoo mi mi wone daano e maɓɓ e ceediiɗo ! ".

Si tawii heɓii on ɓural immorde ka Alla, ma o wi'a waona si tawii meeɗaa laataade hakkunde mon giɗli: "Ee jalla am si mi tawdano e maɓɓe ! mi malee malal manngal !".

Yo haɓe fii laawol Alla ngol, ɓen ɓe no soottira nguurdam aduna ɗam laakara on ! Kala on kaɓaaɗo fii laawol Alla ngol o waraa maa o fooli, arma min ngokku mo njoɓdi mawndi.

E ko heɓi on, on kaɓetaake fii laawol Alla ngol ? e Lo'inaaɓe ɓeen ka worɓe, e ka rewɓe, e ka sukkeɓe ɓen ɓe no mbia: "Joom amen, Yaltin min e ndee saare nde yimɓe mun tooñi, Waɗanaa min immorde ka Maaɗa giɗo, Waɗanaa Min immorde ka Maaɗa balloowo".

Ɓeen gooŋɗinɓe heɓe kaɓee fii laawol Alla ngol, ɓeya heeferɓe heɓe kaɓee e laawol ɓewnatɗi ɗin. Kaɓee weldiiɓe seytaane ɓeen : pellet, pewje seytaane ɗen laatike lo'uɗe.

E a yi'aali ɓen wi'ananooɓe : "curee juuɗe mon ɗen, ñiɓnon juulde, njonnon asakal". Tuma hare nden farlanoo e maɓɓe, e ndeke fedde goo e maɓɓe hino hulira yimɓe ɓe wano no Alla hulirtee, maa ko ɓuri sattudee e kulol, ɓe mbi "Joomi amen, ko saabi haa parluɗaa e dow amen hare ? Ko haɗnoo Neeɓtinanaa min ɗuum haa e lajal ɓattingal ?" Maaku : "Dakamme aduna on ko seeɗa, ko laakara on ɓuri moƴƴannde on kulɗo [Alla], on tooñetaake fotde e gufel tamaroore

Nokku wof to laatiɗon maayde nden heɓtoto on, hay si on laatike e nder tataaji mahaaɗi. Si moƴƴere heɓii ɓe, ɓe mbia "Ɗum ɗoo ko immorde ka Alla" Si bone heɓii ɓe, ɓe mbia :"Ɗum ɗoo ko immorde e maaɗa !" Maaku: "Kala e majji ko immorde ka Alla". E ko nanngi ɓee yimɓe ɓe ɗeɓataa faamude yeewtere?!

Huunde fofko heɓmaa e moƴƴere ko immorde ka Alla, huunde fofko heɓmaa e bone ko immorde e woŋkii maa kin. Mon Nulii ma wonan de yimɓe ɓe Nulaaɗo. Alla Yonii Seede.

Kalomo ɗofti Nulaaɗo oo gooŋɗii ɗoftimo Alla. Kalo, ruŋtii noon min nuliraanima dow maɓɓe denoowo.

Heɓe mbia "ɗoftaare!", si ɓe njaltii ka maaɗa, fedde e maɓɓe waaliday [e miijo( ngo] wonaa ngo maakuɗaa. Alla no Winnda ɗuum koɓe mbaaldata e mun. Ɗuurno ɓe pawoɗaa e Alla. Alla Yonii koolorɗo.

E mati ɓe teskitortaa alqur'aana o ? Sinno mbo iwruna ɗo wonaa to Alla, ɓe tawatno e ehembo luurre ɗuuɗuɗe.

Si arii ɓe e fiyaake jeyaaɗo e hoolaare, maa kulol, ɓe lollina ɗum. Sinno ɓe nduttuno ɗum e Nulaaɗo on e ɓen fewjooɓe fii maɓɓe, ɓeen ɓullitooɓe e maɓɓe ganndatno ɗum. Si wanaano ɓural Alla ngal e dow mooɗon e Yurmeende Makko nden, on njokkatno seytaane si wonaa seeɗa e mon.

Haɓe e laawol Alla he, a defaaka si wonaa hoore-maa. hijin gooŋɗinɓe ɓen, arma Alla nde Surata bone heeferɓe ɓe Ko Alla ɓuri Saɗtude doole, ko Kaŋko ɓuri Saɗtude muusnugol.

Kala tefniiɗo tefnoore labaande wonay mo geɗal e mayre, kala kadi on tefniiɗo tefnoore bonnde wonany mo e mayre geɗal. Alla seerani kattanɗo kala huunde.

Si on calominaama salminaango, calmitoɗee ko ɓuri nduun ɗoon maa ndutton ngo. Pellet, Alla woni e dow kala huunde ko o kasboowo.

Alla, deweteeɗo alaa si wonaa Kaŋko, ma o Mooɓi on ñande Darngal, sikke alaa e mayre. Alaa ɓurɗo gooŋuɗude Alla yeewtere ?

Ko waɗi on e fii ɓee naafiqiiɓe peɗle ɗiɗi ?! Ko Alla woni Ugginɗo ɓe sabu ko ɓe faggitii. E on paala feewnude oon mbo Alla Majjini ? Kala on mo Alla majjini, a heɓantaa mo laawol.peewal

Heɓe ngooɗe sinno on njedduno wano noɓe njddiri nih, laatoɗon fotɓe.e maɓɓe wota on njogito e maɓɓe weldiiɓe haa ɓe pera e laawol Alla ngol. Si ɓe nduŋitii, nanngee ɓe mbaron ɓe nokku kala ka tawɗon ɓe.Wata on njogito e maɓɓe weldiɗɗo wonaa balloowo

Si wanaa ɓen ɓe hino njokkoo faade e yimɓe ɓe ahadi woni hakkunde mon e maɓɓe, maaɗuum ɓe ngarii emon ɓerɗe maɓɓe ɗen no ɓiɗtanii kaɓagol on, maa ɓe kaɓa e yimɓe maɓɓe. Si Alla Haajuno, O Wurtayno ɓe e dow mooɗon, ɓe kaɓo on. Si ɓe pottitike on, ɓe kaɓaaki on, ɓe werlike kisal e mon, haray Alla Waɗanaali on e dow maɓɓe laawol.

Arma tawon woɗɓe goo muuyɓe nde ɓe koolnorata on koolnora yimɓe maɓɓe ɓen. Tuma kala nde ɓe nduttaa e geddi ɗin,ɓe cuƴƴitee e nder majji. Si ɓe ngaccani on, ɓe mberloo kisal e mon, ɓe curi juuɗe maɓɓe ɗen, nanngee ɓe mbaron ɓe nokku kala ka tawɗon ɓe. Ko ɓen ɗon mooɗon, [woni ke Min] mbaɗani on e maɓɓe hujja ɓannguɗo.

Haananaa gooŋɗinɗo nde o warata gooŋɗinɗo si wanaa [hara ko] faljere. On barɗo gooɗinɗo, yo rimɗin daande gooŋɗinnde e diya jonneteeɗo yimɓe makko ɓeen : si wonaa hara ɓen sakkii. Si wonii ko jeyaaɗo e yimɓe añɓe mon, hara kaŋko ko o gooŋɗinɗo, ko rimɗingol daande gooŋɗinnde. Si wonii ko jeyaaɗo e yimɓe ɓe ahadi woni hakkunde mon e maɓɓe, ko diya jonneteeɗo yimɓe makko ɓen, e rimɗingol daande gooŋɗinnde. On mo hebaali ko : koorgol lebbi ɗiɗi jokkondirɗi tuubuubuyee immorde ka Alla. Alla seeraani ko gannnduɗo, Ñeeñɗo.

Kala mo wari gooŋɗinɗo e hoore tewaaɗe, njoɓdi makko ndin ko Jahannama, luttoowo e nder magge ; Alla Tikkanii mo, O Huɗii mo, O heplanii mo lepte mawɗe.

Ee hey mon gooŋɗinɓe, si on njaahii e ɗatngal ɓannginee [tefon] wata on mbi'an on berliiɗo e mon kisal : "Wanaa a gooŋɗinɗo", hiɗon ɗaɓɓa jawdi nguurdam aduna, ko ka Alla konhoyri ɗuuɗundi woni. Ko wano non laatornoɗon ko adii, Alla dokkei e mon. Ɓannginee. Pellet, Alla Laatike kumpitiiɗo ko ngolloton.

Goooŋɗimɓe jooɗiiɓe ɓen, hara wanaa joomiraaɓe lorra ɓen, potataa e ɓen tiiɗnortooɓe e laawol Alla ngol jawle maɓɓe ɗen e woŋkiiji maɓe ɗin. Alla ɓurnirii tiiɗnorɓe jawɗeele mun ɗen e woŋkiiji mun ɗin, e dow jooɗiiiiɓe ɓen, darja. Ɓe fow maɓɓe Alla Fodii ɓe moƴƴere, Alla ɓurnirii tiiɗnotooɓe ɓen e dow jooɗiiɓe ɓen njoɓdi mawndi.

Darjaaji immorde ka Makko, e yaafuyol, e yurmeende. Alla Laatike jaafotooɗo, jurmotooɗo.

Pellet, ɓen ɓe maleykaaji ɗin no mbara hara ko ɓe tooñuɓe pittaali maɓɓe ɗin, ɓe mbi'a : "Ko e holɗum ngonnoɗon ?!". Ɓe mbi'a : "Min laatinoke lo'inanooɓe ka leydi". Ɓe mbi'a : "Leydi Alla ndin laatanooki yaajundi hanno feron e mayri ?". Ɓen ɗon, jaaƴnde maɓɓe nden ko Jahannama, nge bonii ruttorde !

Si wanaa ɓen lo'inaaɓe immorde ka worɓe, e ka rewɓe, e ka sukaaɓe ɓe kattanaa yahdu, ɓe peewataa e laawol.

Ɓen ɗon, arma Alla Yaafanoo ɓe. Alla seerani jaafotooɗo, cuhroowo.

Kalomo feri e laawol Alla ngol o taway ka leydi yolɗere ɗuuɗunde e yaajeende. Kala jaltuɗo e suudu mu'un ko o perɗo faade e Alla e Nulaaɗo Makko on, maayde nden heɓti mo, gooŋɗii njoɓdi makko ndin tabitii ka Alla. Alla seeraani jaafotooɗo, jurmtooɗo.

Si on njaltii, waɗoyde jahaadi bakkat alanaa on nde ngstoton juulde nde, si on kulii nde yedduɓe ɓen pitninta on. Pellet, heeferɓe ɓen ngonani on añɓe feeñɓe.

Si a tawdaama e maɓɓe a darnanii ɓe julude, yo fedde goo e maɓɓe darodo e maaɗa yo ɓe jogito njogaaji maɓɓe ɗiin ; si ɓe cujjii, yo ɓe ngn ɓaawo mon, yo fedde ndeya nde juulaalni ar, yoo ɓe njuuldu e maaɗa yo ɓe njogito denetorɗi maɓɓe ɗin e kaɓorɗe maɓɓe ɗe Yedduɓe ɓe nos ngooɗe sinno on mbelsindotono e njoktaaje mon ɗe doŋle mon ɗe, ɓe ooñoo e mooɗon ooñannde wootere. bakkaat fawaaki on si ɗon ngonndi e lorra immorde e toɓo, maa on laatike Ñawɓe nde mballinton njogaaji mon ɗi. nJogitee deenorɗi mon ɗi. Pellet, Alla heplanii heeferɓe ɓen lepte koynooje.

Si on gaynii juulde nde, jaŋtoree Alla e darnnde, e jonɗde e ka hoore baŋŋeeje mon. Si on ndeeƴii, ñiiɓnee juude nde Pellet, juulde nde woni e dow gooɗinɓe ɓefarilla mbo waktu dottaaɗo

Wata on lo*u e nder ɗaɓɓitgol yimɓe ɓe. Si tawii hoɗon mu'usee, kamɓe kadi heɓe mu'usee wano mu'usirteɗon, hoɗon njortii immorde e Alla ko ɓe njortaaki. Pellet, Alla seeraabi gannduɗo, Ñeeñɗo.

Minen min njippinirii Deftere nde e maaɗaa e hoore goonga fii yo a ñaawir hakkunde yimɓe ɓen kon ko Alla Hollu maa. Wata on wonan jamfotooɓe ɓen beeñdoowo.

Imsino e Alla. Pellet, Alla seeraani jaafotooɗo, jurmotooɗo.

Wata a weeñdondire gah ɓeen jamfotooɓe pittaali muen. Pellet, Alla Yiɗaa on keeɗo jamfo, keewɗo : bakkatuuji

Heɓe cuuɗoo yimɓe ɓen ɓe cuuɗotaako Alla, Homo Wonndi e maɓɓe tuma ɓe waalaynoo fewjude kon ko O Welaaka e konngol. Alla seeraani kumpitiiɗo kon ko ɓe ngollata.

Hino mon yo e on mbeñjii fii maɓɓe e ɗam nguurdam aduna, e ko hommbo weñdoyta e Alla fii maɓɓe Ñande Darngal, kaa ko hommbo laatanoytooɓe fawtiiɗo?!

Kalo golluɗo bone maa o tooñi hoore makko, refti o imsinii e Alla, o tawat Alla ko jaafotooɗo, jurmotooɗo.

Kala kadi paggitiiɗo bakkaat, pellet, ko e hoore makko o woni faggitaade ɗum. Alla seeraani gannduɗo, Ñeeñɗo.

Kala paggitiiɗo goopol maa bakkaa refti bugii ɗum e hoore daɗndiiɗo, gooŋɗii o ronnditike fenaande e bakkaat ɓannguɗo.

Si wanaano ɓural Alla ngal e dow maaɗa e Yurmeende Makko nden, fedde goo e maɓɓe himmirayno majjinngol ma, ɓe alaa e majjinnde si wanaa pittaali maɓɓe ɗin, ɓe lorrirtaama hay e huunde. Alla Jippinii e maaɗa Deftere nden e Ñeeñal ngal, O Anndinii ma huunde nden a anndaano. ɓural Alla ngal e dow maaɗa laatike mawnungal.

Moƴƴere alaa e ko heewi e ndeeyuuji maɓɓe ɗi, si wonaa oon jamirɗo sadaka, maa moƴƴere maa moƴƴiŋtingol hakkunde yimɓe ɓen. Kala baɗirɗo ɗum ɗaɓɓugol weluya Alla, arma min ngokka mo njoɓdi mawndi.

Kala luutndiiɗo Nulaaɗo on ɓaawo nde paawal ngal ɓanngani mo, o jokki ko wanaa laawol gooŊɗinɓe ɓen, Men kuccintinay mo e kon ko o hucciti, min naatnɗum Jahannama, nge bonii ruttorde !

Pellet, Alla Yafatako waɗdeedel mo e goɗɗum, Homo yaafo ko jaasi ɗum wonan de on mo o muuyi. Kala denndinɗo Alla e goɗɗum, gooŋɗii o majjii majjere woɗɗoynde.

Ɓe ndewaani ko woori Alla, si wonaa [sanamuuji] dewɗinaaɗi, ɓe ndwaani si wanaa seytaane canndalinɗo.

Alla Huɗii mbo: owi"mami jogito e jeyaaɓe maa ɓen geɗal ganndangal

ma mi majjinɓe, ma mi yelinoyɓe, ma mi yamirɓe, ma ɓe taƴ noppi neemoraaɗi ɗin, ma mi yamirɓe, ma ɓe mbaylu tagoore Alla nde !". Kala jogitiiɗo seytaane giɗo ko woori Alla, gooŋɗii o perti perte ɓanngunde.

Hombo ɓef odana homo yelina ɓe, seytaane fodanani ɓe si wanaa hodo.(koomte).

Ɓeen ɗon jaaƴndee maɓɓe nde ko Jahannama, ɓe keɓataa gaa nge daɗirde.

Ɓeen gooŋɗinɓe ɓe ngolli golle moƴƴe, aray Min naatantɓee Aljannaaji ɗi no ila e ley majji caatli : ko ɓe duumotooɓe nder ton poomaa. Fodoore Alla nde ko goonga. Ko alaa mo ɓuri Alla gooŋɗude konngol ?

Wonaa e yelaaji mon ɗin wanaa yelaaji joom defte en. Kala golluɗo bone o yoɓete ɗum, o heɓataa ko woori Alla giɗo wonaa balloowo.

Kalo golluɗo e moƴƴi ɗin, fota ko gorko maa ko debbo, hara ko o goooŋɗinɗo, ɓeen ɗoon naatata Aljanna ɓe tooñetaake kona fota gufel [tamaroore].

Alaa ɓurɗo moƴƴude diine haa hewti on jebbilanɗo yeeso mum ngo Alla, hara ko o moƴƴinɗo, o rewi e diine Ibraahiima ooñiiiiɗo kala.diineeji ɗi peewa Alla Jogitima Ibraahiima sehil.

Ko Alla Woodani kala ko woni ka kammuuli e ka leydi. Alla seeraani ko piiltiiɗo kala huunde.

Heɓe naamnoma maa fii rewɓe ɓeen, maaku : "Alla no saggitude on fii ɓe[rewɓe], e kon ko jaŋngetee e dow mooɗon ka deftere fii ɓen rewɓe wonɗuɓe, ɓe ɓe on njonnataa ɓe ɗuum ko ɓe parlanaaa, hoɗon ndeerɗa fii resde ɓe, e ɓen lo'inaaɓe ummorde e sukaaɓe, e nde ndarantoɗon wonduɓe ɓen e nuunɗal. Kala ko ngolluɗon e moƴƴer e, pellet, Alla seeraani ko gannduɗo ɗum.

Si wonii debbo hulii moodi makko e suwtaade maa ɗuurnaare, bakkaat fawaaki ɓe nde ɓe moƴƴiŋtinirta hakkunde maɓɓe kalo moƴƴingol.Ko moƴƴingol on ɓuri moƴƴude, Pittaali ɗin tawdanaama ndeereraagu.Si on moƴƴinii on gooŋɗii, pellet Alla seeraani kumpitiiɗo ko golloton.

On mbaawataa nuunɗude hakkunde rewɓe ɓen hay si on ndeerɗii. Wata on ngooño kala ooñannde, ngaccon mo wa jowaaɗo. Si on moƴƴinii on gooŋɗii, pellet, Alla seerani jaafotooɗo jurmotooɗo

Si ɓe ceetii, Alla Alɗiniroyay kala maɓɓe immorde e Yaajeende Makko nden. Alla seeraani jaacɗo [ɓural], Ñeeñɗo.

Ko Alla Woodani kala ko woni ndeer kammuuji ko e ko woni ndeer leydi. Gooŋɗii Min mbasoyinoomo ɓeya okkaaɓe defte ko adi mon, e onon : "kulee Alla !". Si on njeddii, pellet, ko Alla Woodani kala ko woni ndeer kammuuli e ka leydi. Alla seeraani ko Galo, jettaaɗo.

Ko Alla Woodani kala ko woni ndeer kammuuli e ndeer leydi. Alla Yonii Fawtiiɗo.

Si o muuyii, O naɓat on, onon yo yimɓe, O Adda woɗɓe goo. Alla serani katta nɗo e dow ɗum.

Kala laatiiɗo o yiɗi koa njoɓdi aduna, ko Alla jogi njoɓdi aduna e laakara woni. Alla seeraani ko nanoowo , Yi'oowo.

Eehey mon goomɗinɓe ngonee, ñiiɓuɓe e nunɗal seedeeɓe Alla, hay si ko e dow pittaali mon, maa jipnaaaɓe mon ɓe maa banndiraaɓe ɓe. Si wonii ko o galo maaɗum baaso, ko Alla ɓuri Haan dude e maɓɓe. Wata on njokku mbelaaɗe,mon nde nuunɗoton. Si on mbaylii maa on ɗuurnima, pellet, Alla seeraani kumpitiiɗo ko ngolloton.

Ee hey mon gooŋɗinɓe, ngooŋɗinee Alla e Nulaaɗo Makko on, e deftere nde O Jippini e Nulaaɗo Makko on, e ɗen defte ɗe O Jippini ko adii. Kala jedduɗo Alla, e maleykaaji Makko ɗi, e defte Makko ɗe, e Nulaaɓe Makko ɓe e Ñalaande Sakkitiinde nden, gooŋɗii o majjii majjere woɗɗunde.

Pellet, ɓeen gooɗinɓe, refti ɓe njeddi, refti ɓe ngooŋɗini, reftiti ɓe njeddi, reftiti ɓe ɓeydorii keeferaagu, Alla wonataa mbo yaafooɓe wonaa mbo Fewnoowo ɓe e laawol.paawngol,.

Weltinir naafigeeɓe ɓe, won de no woodaniɓe lepte muusɗe.

Ɓeen ɓe no njogitoo heeferɓe ɓen yiɗɓe ko gah gooŋɗinɓe ɓen, e ɓe ɗaɓɓay e juuɗe maɓɓe semmbel ? Pellet, semmbe fof ko Alla woodanii.

Gooŋɗii o Jippinii e mon ka nder deftere Si on nanii Aayeeje Alla ɗe no njeddee ɗe jalikitee, wata on njooɗoɗodo e maɓɓe haa ɓe jumpana yewtere woɗnde ko woori nden ɗoon, si on mbaɗii ɗuum on potii e maɓɓe". Pellet, Alla ko denndinoowo naafigeeɓe ɓe e heeferɓe ɓe ndeerJahannama ɓe denndaangal.

Ɓen habbitantooɓe on, si uddital laataniima on immorde e Alla, ɓe mbia : "E, min ngonndaano e mo'on ?", Si geɗal laatanike heeferaaɓe ɓen, ɓe mbia : "E min poolnaano e mooɗon men kaɗani on immorde e gooŋɗinɓe ɓen ?" Alla ko Ñaawoowo hakkunde mon Ñande Darngal, Alla Waɗantaa heeferɓe ɓen laawol e hoore gooŋɗinɓe ɓen.

Pellet, naafigeeɓeɓe ɓen heɓe njamfoo Alla, Kaŋko kadi ko jamfotooɗo ɓe. Si ɓe immiimo fa'ade , e juulde koɓe aamɓe, heɓe ngolliro ha yimɓe ɓe njia, ɓe (ye'engo) ɓe a njaŋtotaako Alla si wonaa seeɗa.

Heɓe naɓa artira hakkunde ɗum, ɓe ngalaa e ɓee ɗoo ɓe ngalaa e ɓee ɗaa. Kala on mo Alla Majjini, a heɓantaa mo laawol. Peewal

Eehey mon yo gooŋɗinɓe, wata on njogitor heeferɓe ɓen weldiiɓe ko wanaa gooŋɗinɓe ɓen. E on faala nde mbɗanton Alla e dow mooɗon hujja ɓannguɗo .

Pellet, naafigeeɓeɓe ɓen no ka neaandi yiite, a heɓantaa ɓe balloowo !

Si wanaa ɓeen tuupɓe, ɓe moƴƴini, ɓe njogitii [diina] Alla ɓe laɓɓini diina maɓɓe kan : ɓen ɗon ngon di ko e gooŋɗimɓe ɓen. Arma Alla weeɗaa gooŋɗinɓe ɓen njoɓdi mawndi.

Ko holɗuum Alla Waɗata e leptugol on, si on njettii [Mo] on gooŋɗinii [Mo] ? Alla seeraani Jaarnaaɗo ko gannduɗo.

Alla Yiɗaa ko feeñi ko e bone immorde e koŋngol, si wanaa on tooñaaɗo. Alla seeraani ko nanoow ko gannduɗo.

Si on peññinii moƴƴere, maa on cuuɗii nde maa on njaafima gah e bone, pellet, Alla seeraani jaafotooɗo kattanɗo.

Pellet, ɓeen won ɓe e yeddude Alla e Nulaaɓe Makko ɓeen, heɓe paala nde ɓe ceernndata hakkunde Alla e Nulaaɓe Makko ɓeen, heɓe mbia :"Miɗen gooŋɗina yoga min njedda yoga", heɓe paala jogitaade hakkunde ɗuum ɗoon laawol.

Ɓeen ɗoon ko kamɓe tigi ngoni yedduɓe ɓeen tigiri. Min kplalanii heeferɓe ɓe lepte koynooje.

Ɓeen gooɗinɓe Alla e Nulaaɓe Makko ɓe, ɓe ceerndaani hakkunde gooto e maɓɓe, ɓeen ɗoon, arma o weeɗ ɓe njoɓdi maɓɓe ndi. Alla seeraani jaafoto oɗo jurmotooɗo.

Yimɓe Defte ɓe no naamnoma nde njippintaa e dow maɓɓe deftere immorde e ka kammu ! Gooŋɗii ɓe naamninooma Muusaa ko ɓuri ɗuum mawnude : ɓe mbi'i : "Hollu amen Alla gite". Ŋa'as Ha'acaango ngo nanngiri ɓe sabu tooñannge maɓɓe nge. refti ɓe njogitii ngaari ndi(peeñɗi) ɓaawo nde ko ari eheɓe e ɓanngan- nduyeeji. Min njaafii gaay ɗum Min ngokki Muusaa hujja ɓannguɗo.(peeñɗo)

Min ɓamtir dow maɓɓe Tuur fello ngo sabu ahadi maɓɓe ndii, min mbiani ɓe :"naatiree ka damal ko on naayiiɓe", Min mbi'ani ɓe : "Wata on njawtu(keerol) e asewe on", min nanngi e maɓɓe ahadi tekkundi.

Ko sabu firtugol ɓe ahadi maɓɓe ndi, e jeddugol ɓe Aayeeje Alla ɗee, e bargol ɓe Annabaaɓe ɓe ko aldaa e goonga e biigol ɓe :"ɓerɗe amen ɗe no cokii". Si ko woni, Alla notii e majje sabu keefe-raagu maɓɓe nguu -ɓe gooŋɗintaa si wanaa seeɗa

e sabu keeferaagu maɓɓe nguu, e koŋngol maɓɓe ngol dow Maryama fenaande mawnde

e bi'ugol ɓe : "Minen min mbarii Iisaa Meme-sella, ɓiɗɗo Maryama, Nulaaɗo Alla on". ɓe mbaraani mo, ɓe peŋaan mo, ko woni, o nanndinana ɓe. Pellet ɓeen ɓe luutondirɓe fii makko :ɓe ngonii e sikkitaare fii makko. Alanaa ɓe e fii ɗuum ganndal, si wanaa jokku- gol sikke, ɓe mbaraano mo e taƴoral(yananeede).

Accu Ko woni, Alla ɓamtu mo fa'ade e Makko. Alla seeraan pooluɗo, Ñeeñɗuɗo.

Alaa hay gooto e yimɓe defte ɓeen, si wonaa o gooŋɗinat mo ko adii maayde makko nden. Ñande Dargal o laatoto ceedotooɗo e dow maɓɓe.

Ko sabu tooñannge immorde e ɓeen Alyahuudaaɓe, Min karmiannooɓe laaɓɗi ɗi ɓe ndaknananoo e sabu sakkagol(paddagol)e laawol Alla ngol ko ɗuuɗi.(heewi).

e nanngugol ɓe ngol ribaa, gooŋɗii ɓe haɗaama e ɗuum, e ñaamugol jawɗeele yimɓe ɓe e hoore mehre. Min kebilanii heeferɓe ɓeen lepte mu'usɗe.

Kono tutiiɓe ɓen e ganndal e maɓɓe e gooŋɗiɗinɓe ɓen, hiɓe gooŋɗini ko Jippinaa ko e maaɗa e kon ko Jippinaa ado maaɗa. E ñiiɓnooɓe juulde ɓeen, etottooɓe asakal ɓeen, e gooŋɗinɓe Alla e Ñalaande Sakkitiinde nden, ɓeen ɗoon, arma Min ngokka ɓe njoɓdi mawndi.

Minen min mbahyinii e maaɗa wano no inn mbahyiniri e Nuuhu e Annabaaɓe ɓeen ɓaawo makko. Min mbahyini fa'ade e Ibraahiima, e Ismaa'iila, e Ishaaqa, e Yaaquuba, Taaniraaɓe ɓeen, e Iisaa, e Ayyuuba, e Yuunusa, e Haaruuna, e Sulaymaana. Men ngoki Daawuuda Jabuura.

E Nulaaɓe ɓe min pillani maa fii muen ko adii e Nulaaɓe ɓe min poillanaaki ma fii muen. Alla Yewtidii e Muusaa kala jeeewtugol

Nulaaɓe wewlinooɓe e jertinooɓe fii wota hujja wonan yimɓe ɓen e hoore Alla ɓaawo Nulaaɓe ɓen. Alla seerani koo poolɗo, Ñeeñɗuɗo.

Kono Alla no Seedii kon ko O Jippini e maaɗa, O Jippinirii ɗum ganndal Makko, maleykaaji ɗi no ceeditoo. Alla Yonii Seedee.

Pellet, ɓeen yedduɓe, ɓe fpddii gah e laawol Alla ngol, gooŋɗii ɓe majjii majjere woɗɗunde.

Pellet, ɓeen yedduɓe ɓe tooñi, Alla Laatataaka jafatooɗo ɓe, wanaa nde O Feewnata ɓe laawol.peewal

Si wanaa laawol Jahannama ngol, ko saasooɓe nder magge cay. ɗuum laatike newiiɗum e dow Alla.

Ko onon yo yimɓe ! Gooŋɗii Nulaaɗo on ardirii e mon goonga immorde e Joomi mon, ngooŋɗinee ko moƴƴere mon. Si on njddii, pellet, ko Alla Woodani kala ko woni kammuuli e ka leydi. Alla seeraani gannduɗo, Ñeeñuɗo.

Eehey mon yimɓe defte, wata on ɓurtin ka diina mon, wata on wowlu e hoore Alla si wanaa goonga. Pellet, Mema-sella Iisaa ɓiɗɗo Maryama on, ko Nulaaɗo Alla e koŋngol Makko ngol O Werni e Maryama e ruuhu immorde ka Makko. ngooŋɗinee Alla e Nulaaɗo Makko on, wata on mbi'u [Alla ko] :"Tato". Kaɗitee, ko ɗuum ɓuri moƴƴannde on. Ngnndee Alla ko deweteeɗo Gooto. Senayee woodanii Mo nde ɓiɗɗo laatantoo Mo ! Ko Kamko Woodani ko woni ka kammuuli e ka leydi. Alla Yonii koolorteeɗo.

Mema-sella on mawnitaaki nde o laatotoo jeyaaɗa Alla, wanaa maleykaajiɗi ɓattinaaɗiɗi . Kala ɓurnitiiɗo gaa e dewugol Mo o mawnintinii, ma O Mooɓitoyɓe fa'ade ka Makko ɓe denndaangal.

Si tawii ko ɓeen gooŋɗinɓe ɓe ngolli moƴƴuɗi, O Timminanay ɓe njoɓdi maɓɓe ndi, O ɓeydana e ɓural Makko ngal.. ɓeya ɓurnitiiɓe mawnintinii, O Leptayɓe lepte mu'usɗe, ɓe keɓanoytaake gah Alla, giɗo wanaa balloowo

Eehay mon yimɓe ! Gooŋɗii hujja arii e mooɗon immorde ka Joom mon, min njippinii fa'ade e mooɗon annoore ɓannguɗo.(feeñnde).

Si tawii ko ɓeen gooŋɗinɓe Alla ɓe njogiitii nde, arma o naatnu ɓe e Yurmeende immorde ka Makko e ɓural, O Fewna ɓe faade e Makko laawol po'occiingol.

Heɓe faltino maa. Maaku : "Alla no Falta on fii rone : annda si neɗɗo maayii o alaa ɓiɗɗo himo mari banndiraawo [debbo], no woodani on feccere e kon ko o acci. Kamko kadi o ronay mo si tawii o alaa ɓiɗɗo. Si ɓe laatike ɗiɗo, hino woodani ɓe tataɓe ɗiɗi e kon ko o acci. Si ɓe laatike musɗɓe worɓe e rewɓe, hino woodani gorko on geɗal rewɓe ɗiɗo. Alla no Ɓannginannde(laɓɓinana) on fii wata on majju. Alla ko gnnduɗo kala huunde".