The Noble Qur'an Encyclopedia

Kala ko woni ka kammuuli e ka leydi seninii Allah. Ko Kaŋko woni pooluɗo, Ñeeño oon.

Eehey mon gooŋɗinɓe ko waɗi hoɗon kaala ko on mbaɗata.

Mawni tikkere ka Alla nde kaalaton ko on ngollata.

Pellet Alla na yiɗi ɓeen haɓateeɓe e laawol Alla heɓe ngoni saffeeji hono maadi fotndaandi.

Tumo nde o maakani yimɓe makko, yimɓe am holko taki hoɗon lora mi te hoɗon nganndi komi nelaaɗo Alla fa'ade e mon, ndeɓe ooñi Alla ooñi ɓerɗe maɓɓe Alla feewnata yimɓe faasiqeeɓe.

E nde Iisa ɓiy Maryama maaki ehey mon ɓiɓɓe Israa'iil komi nelaaɗo Alla tigi fa'ade e mon gooŋɗinɗo ko woni ko e ye'esam am Tawreet e beltinoowo nelaaɗo garoowo caggal hombo wiyee Ahmadu, nde o anndani ɓe hujjaaji laaɓɗi ɓe mbi'ii ɗum ko mbilewu ɓanngungu.

Alah ɓurɗa tooñde oon pekandiiɗo e dow Alla te hombo noddee e islaam, Alla feewnata tooñooɓe.

Hoɓe paala ñifrude annoore Alla nde kunduɗe maɓɓe, Alla ko timminoowo annoore makko nde haysi he'efareeɓe ngañii.

Ko Kanoko woni Nulirɗo Nulaaɗo makko on peewal e diina goonga, fii yo o ɓamtu ka e hoore kala diina, hay si sirkooɓe ɓen ngañii [ɗum].

Ehey mon gooŋɗinɓe mbele mi tinndinta on njulaagu ndaɗnatngu on e lepte mu'usɗe.

Ngooŋɗinon Alla e nelaaɗo makko mbaɗiron jihaadi e laawol makko jawdi mon e pittaali mon ko ɗuum ɓuri on moƴƴande si on ngonii annduɓe.

Alla hafrana on bakkatuuji mon, O naatna on aljannaaji ɗi caatli ndogata ley mum e koɗorɗe belɗe ka aljanna adan ko ɗuum woni malal manngal.

E goɗɗum ko njiɗɗon ballal ummaade e Alla e uddital ɓadingal weltin juulɓe ɓe.

Ehey mon gooŋɗinɓe ngonee wallooɓe Alla hono no Iisa Ibnu Mariya maaki suɓaaɓe mum hombo wallata mi fa'ade e Alla suɓaaɓe mum mbii ko minen ngoni wallooɓe Alla, heen fedde e Banii Isra'iil goonɗini won'de nde yeddi min cemmbini gooŋɗinnde nde e dow añɓe mum en ɓe ngonti foolɓe.