The Noble Qur'an Encyclopedia

Ina subhinanoo Alla kala ko woni e kammuuji e ka lesdi, na woodani mbo laamu na woodani mbo jettooje ko O kattanɗo kala hu'unde.

Ko Kaŋko tagi on ina e mon ke'efeera ina e mon gooŋɗinɗo Alla na yi'a ko ngolloton ko.

O tagrii kammuuji e leydi goongo o mbaadini on o moƴƴini mbaadiili mon ko e makko woni battane mon.

Hombo anndi ko woni e kammuuji e leydi hombo anndi ko mbirnaton e ko ɓannginton Alla na anndi ko woni e ɓerɗe.

Mbela araani e mon kabaruuji ɓeen yeddunooɓe ko adi,ɓe meeɗi lepte fiyakuuji mum en woodaniiɓe lepte mu'usɗe.

Woni sabu ɗeen lepte noon ko nelaaɓe mum en na ngaddanatnoo ɓe dallillaaji ɓannguɗi ɓe mbi'a ee ko ɓanndiyankooɓe peewnata min,ɓe njeddi, Alla yon'danii,Alla ko galo jettaaɗo.

He'eferɓe ɓe ɓe aaƴiima ɓe ummintaake,maaku oho kay ma on ummine mi wooɗndirii joom am ma on ummine,refti ma on kumpite ko ngolluuɗon, ɗuum na newanii Alla.

Ngooŋɗinee Alla e nelaaɗo makko e annoore nde o tellini pellet Alla ko kumpatiiɗo ko ngolloton ko.

ñande o renndi mon ñalngu denndingol oon woni ñalngu basandiral, ka gooŋɗinɗo Alla o golli ko lobbi o momtone boneeji mum, o naatna mbo aljanaaji ɗi caatli ndogata les majji ɓe caasa toon haa pooma, ko ɗuum woni malal manngal.

Ko ɓeen yedduɓe ɓe njeddi aayeeje amen ngoni yimɓe yiite saasooɓe e henge, nge bonii battane.

Musiiba heɓata hay gooto si wona e sakkitoore Alla, kala gooŋɗinɗo Alla O feewna ɓernde makko, Alla na anndi kala hu'unde.

Ɗoftee Alla, ɗoftoɗon Nulaaɗo on, ndeentoɗon ! Si on nduŋitii, nganndee pellet, ko fawii nulaaɗo Amen on tan, ko jottingol ɓanngina.

Allaahu alah deweteeɗo e goongo si wona Kaŋko, ko e dow makko goonɗinɓe mbakkilato.

Eehey mon gooŋɗinɓe pellet ina e yogo e suddiiɓe mon e ɓiɓɓe mon ko añɓe mon ndeenteeɓe, si on njaafiima on njarliima noon Alla ko jaafatooɗo jurmotooɗo.

Ngandee pellet, jawɗe mon ɗeen e ɓiɗɓe mon ɓeen ko fitina ina ka Alla njoɓdi mawndi.

Kulee Alla ko kattanɗon nanee ɗoftaɗon nafqe ko ɗuum ɓuri moƴƴan'de pittaali mon, oon deenaaɗo fittaandu makko e ɗawre, ko ɓeen ngoni malaaɓe ɓe.

Si on ñamlii Alla ñamaande moƴƴere o sowana ɗuum en nde, o yaafoɓe Alla ko jettoowo ko muñɗo.

Gannduɗo mbirniiɗi e feeñuɗi, mawɗo, ñeeñɗo.