The Noble Qur'an Encyclopedia

Mbiɗa woonɗdira ñande ndarnga.

Mbiɗa wooɗndira fittaandu felooru.

Mbela aade sikkat min ndenndintah ƴi'e makko.

Oho kay mbiɗa min kattani fotndude gulle peɗeeli makko.

Kono aade yiɗi konde o wonata saay ye'eso ka ye'eso makko.

Hiɓe laɓndoo : "Ko honnde woni Ñalaande njoɓdi kuuɗe?"

Si yitere nde majii.

Lewru ndu nanngaa.

Na'ange e lewru ndenndina.

Ndeen aade wi'a hoɗo dogirde ngoni.

Ala dokdu alah e oon ñalngu.

Koto joom ma ñande heen woni ruttorde nde.

Aade na habre ñande heen ko ardini e golle e ko o leelni ko.

Ko woni ko aade o na seedii e fittaandu makko.

Hay si o addii ngantuuji makko ɗi.

Woto dillin heen ɗemngal ma haa njaawnaɗa e hembo.

Ko minen woodani renndinde mbo e jannginde mbo ma.

Si min njanngii mbo rew e jaŋde makko.

Refti ko e amen fawi firde mbo.

Ala woni ko hoɗon njiɗi aduna jaawɗo o ko gasata.

Ngaccon La'akara.

Je'ece malaaɓe ñande heen na fooyni.

Hoɗe ndaara fa'ade e joom mu' en.

E je'ece ñirɓaniiɗe ñande heen.

Hoɗe cikka ma telline e mu' en musiiba mawɗo.

Ala sindu yottiima bororde.

Wi'e hombo woni moccaoowa.

O yananee ko ɗum ceergal e aduna.

Korlal ngal fiilto e korlal.

Ko ta joom ma ñande heen woni ruttorde.

O gooŋɗinaani o juulaani.

Kono o yeddu o ɗuurnii.

Refti o yahi to koreeji makko hombo wasoo.

Halkaare woodaniima e halkaare.

Refti halkaare kadi woodanii ma e halkaare titi.

Mbele aade o sikku o accete hombo duda.

Mbele o wonaana toɓɓe maniyyu juppateende e rannga.

Refti o wonti heɗɗere o tagi o fonndi.

O waɗI heen kuɓe ɗiɗi dewel e gorel.

Mbele oon hattanaani wuurtin'de maayɓe.