The Noble Qur'an Encyclopedia

Halkaare woodanii ɓeen ustooɓe se'esirɗe.

Ɓeen pe'esnatooɓe yimɓe ɓe ɗaɓɓa timminaneede.

Siɓe ɓetanii ɓe wolla ɓe pe'esanii ɓe usta.

E ɓee kan fellitaa won'de ko ɓe immintinteeɓe?

Woodanii mbo ñalawma mawɗa.

Ñande yimɓe ummanii joom binnde.

Ala, pellet deftere faajireeɓe nani e sijijiin to.

Ko holɗum anndinat maa ko woni SijjIiin?

Ko deftere tonngaande.

Haray nden ñande, bone woodanii yedduɓe ɓeen.

Ɓeen yeddooɓe ñalaande njoɓdi.

Yeddata mbo si wona kala palguɗo keerol bakkadinɗo.

Si aayeeje amen ɗeen janngaama e [tawnde] makko, o wi'a: "Ko tinndi adinooɓe".

Ala, kono muuri ɓerɗe maɓɓe koɓe njennatnoo ko.

Ala ɓeen de koɓe haɗaaɓe yi'ide joomi mu' en.

Refti pellet koɓe naatooɓe jayngol.

Refti ɓe wi'e:"meeɗee lepte mon ɗeen; ko ɗum woni ko njeddatɗon kon".

Ala, pellet deftere ɗigguɓe nani e ka illiyyiina.

Ko holɗum anndinat maa ko woni Illiyyiina?

Ko ɗum deftere tonngaande.

No seedoo nde ɓurɓe ɓadaade.

Pellet ɓeen ɗigguɓe heɓe e ne'ema.

E leece heɓe ndaara.

Ina anndee e je'ece mu'en weltaare ne'emaaji.

Heɓe njarnee dola omndaako.

Haaɗtirde mum ko lati misku e ɗuum de yo fooɗondir fooɗondirooɓe ɓeen.

Hombo e Tasniim ɗuum ko seewnde ɓurnde toowde to aljanna he.

Sewnde nde ɓurɓe ɓadaade njarata nde.

Ɓeen faajirinɓe ngonoŋɗna na njala ɓeen gooŋɗinɓe.

Si ko ɓe mbirtiima ɓe ɓe ngona e ɓiiñandirde.

Siɓe nduɗtiima to koreeji maɓɓe ɓe ndutto koɓe weltiiɓe.

Siɓe nji'iiɓe ɓe mbi'a ɓe ko ɓe majjuɓe.

Ɓe nelaaka e dow muenn ngam reende ɓe.

Hannde de gooŋɗinɓe njala he'eferɓe.

E le'ece heɓe ndaara.

Mbele he'eferɓe njoɓaama koɓe mbaɗatnoo ko.