عربيEnglish

The Noble Qur'an Encyclopedia

Towards providing reliable exegeses and translations of the meanings of the Noble Qur'an in the world languages

The Star [An-Najm] - Filipino Translation (Maguindanaon) - Rowad Translation Center

Surah The Star [An-Najm] Ayah 62 Location Maccah Number 53

وَٱلنَّجۡمِ إِذَا هَوَىٰ [١]

(Saksi su Allah) idsapa ku su bitun amayka sinumedep.

مَا ضَلَّ صَاحِبُكُمۡ وَمَا غَوَىٰ [٢]

Da matadin su (Muhammad) endu da makasibay i pagitung nin.

وَمَا يَنطِقُ عَنِ ٱلۡهَوَىٰٓ [٣]

Endu di kena pedtalu sa palnan a kyug na ginawa nin.

إِنۡ هُوَ إِلَّا وَحۡيٞ يُوحَىٰ [٤]

Ugayd na wahi a ipe-wahi sa lekanin.

عَلَّمَهُۥ شَدِيدُ ٱلۡقُوَىٰ [٥]

Pinamandu ni Jibril a kigkuwan sa bagel.

ذُو مِرَّةٖ فَٱسۡتَوَىٰ [٦]

Midtakena i bagel nin a mapayag-masulen.

وَهُوَ بِٱلۡأُفُقِ ٱلۡأَعۡلَىٰ [٧]

Sekanin i sya sa pulu.

ثُمَّ دَنَا فَتَدَلَّىٰ [٨]

Mawli na nakasiken (su Muhammad) na midsupagaya silan.

فَكَانَ قَابَ قَوۡسَيۡنِ أَوۡ أَدۡنَىٰ [٩]

Mana bun su kasupeg nu pana atawaka masupeg pan.

فَأَوۡحَىٰٓ إِلَىٰ عَبۡدِهِۦ مَآ أَوۡحَىٰ [١٠]

Endu ini-wahi nu Allah kanu ulipen nin (si Jibril) su ini-wahi (kanu Muhammad).

مَا كَذَبَ ٱلۡفُؤَادُ مَا رَأَىٰٓ [١١]

Da pandalbuta nu pusung su nailay nu mata.

أَفَتُمَٰرُونَهُۥ عَلَىٰ مَا يَرَىٰ [١٢]

Ngintu ka bamalawan nu (su Muhammad) kanu nailay nin?

وَلَقَدۡ رَءَاهُ نَزۡلَةً أُخۡرَىٰ [١٣]

Endu saben-sabenal a nailay nin sa nakaisa (su Jibril) kanu andang a palas nin.

عِندَ سِدۡرَةِ ٱلۡمُنتَهَىٰ [١٤]

Lu sa Sidratul Muntaha (kanu mi’raj).

عِندَهَا جَنَّةُ ٱلۡمَأۡوَىٰٓ [١٥]

Lu sa kanu surga na Ma’awah.

إِذۡ يَغۡشَى ٱلسِّدۡرَةَ مَا يَغۡشَىٰ [١٦]

Kanu kutika a gabawsan su Sidratul Muntaha kanu pakabaws lun.

مَا زَاغَ ٱلۡبَصَرُ وَمَا طَغَىٰ [١٧]

Nasasangan i kapangingilay (nu rasul).

لَقَدۡ رَأَىٰ مِنۡ ءَايَٰتِ رَبِّهِ ٱلۡكُبۡرَىٰٓ [١٨]

Saben-sabenal a nailay nin su manga ayat nu Allah a masla.

أَفَرَءَيۡتُمُ ٱللَّٰتَ وَٱلۡعُزَّىٰ [١٩]

Su kadenan a Lat endu su Uzza.

وَمَنَوٰةَ ٱلثَّالِثَةَ ٱلۡأُخۡرَىٰٓ [٢٠]

Endu su Manat a ikatelu a kadenan nu.

أَلَكُمُ ٱلذَّكَرُ وَلَهُ ٱلۡأُنثَىٰ [٢١]

Ngintu lekanu i manga mama na kanu Allah su manga babay?

تِلۡكَ إِذٗا قِسۡمَةٞ ضِيزَىٰٓ [٢٢]

Entu ba i kinapagumun a kadarwakan.

إِنۡ هِيَ إِلَّآ أَسۡمَآءٞ سَمَّيۡتُمُوهَآ أَنتُمۡ وَءَابَآؤُكُم مَّآ أَنزَلَ ٱللَّهُ بِهَا مِن سُلۡطَٰنٍۚ إِن يَتَّبِعُونَ إِلَّا ٱلظَّنَّ وَمَا تَهۡوَى ٱلۡأَنفُسُۖ وَلَقَدۡ جَآءَهُم مِّن رَّبِّهِمُ ٱلۡهُدَىٰٓ [٢٣]

Da kanu mamba ya tabya na manga ngala a inibedtu nu su namba a manga kahanda nu, taman kanu manga lukes nu a da nakebpun sa Allah a tindeg, da bagunutan nilan ya tabya na antapan endu su kyug na ginawa, inunta nakawma sa kanilan ebpun kanu Kadenan nilan su tutulu.

أَمۡ لِلۡإِنسَٰنِ مَا تَمَنَّىٰ [٢٤]

Ya kyug na uman isa sa kanilan na makwa nin i panganganay nin.

فَلِلَّهِ ٱلۡأٓخِرَةُ وَٱلۡأُولَىٰ [٢٥]

Na kanu Allah su dunya endu akhirat.

۞ وَكَم مِّن مَّلَكٖ فِي ٱلسَّمَٰوَٰتِ لَا تُغۡنِي شَفَٰعَتُهُمۡ شَيۡـًٔا إِلَّا مِنۢ بَعۡدِ أَن يَأۡذَنَ ٱللَّهُ لِمَن يَشَآءُ وَيَرۡضَىٰٓ [٢٦]

Endu madakel i malaikat sa langit a da katagan a kadtabang nin (kanu manga taw) apya paydu, ya tabya na uliyan isugut nu Allah kanu pedsugutan nin a gasuwatan nin.

إِنَّ ٱلَّذِينَ لَا يُؤۡمِنُونَ بِٱلۡأٓخِرَةِ لَيُسَمُّونَ ٱلۡمَلَٰٓئِكَةَ تَسۡمِيَةَ ٱلۡأُنثَىٰ [٢٧]

Saben-sabenal su manga taw a di bangimbenal sa akhirat na ya nilan ibedtu sa malaikat na ngala a babay.

وَمَا لَهُم بِهِۦ مِنۡ عِلۡمٍۖ إِن يَتَّبِعُونَ إِلَّا ٱلظَّنَّۖ وَإِنَّ ٱلظَّنَّ لَا يُغۡنِي مِنَ ٱلۡحَقِّ شَيۡـٔٗا [٢٨]

Endu da kataw nilan, da bagunutan nilan ya tabya na antap, su antap na apya paydu na di nin makapambuwat su bantang.

فَأَعۡرِضۡ عَن مَّن تَوَلَّىٰ عَن ذِكۡرِنَا وَلَمۡ يُرِدۡ إِلَّا ٱلۡحَيَوٰةَ ٱلدُّنۡيَا [٢٩]

Pasagadi ka (Muhammad) su di pedtalima kanu Qur’an endu ya nin bu kyugan na uyag-uyag sa dunya.

ذَٰلِكَ مَبۡلَغُهُم مِّنَ ٱلۡعِلۡمِۚ إِنَّ رَبَّكَ هُوَ أَعۡلَمُ بِمَن ضَلَّ عَن سَبِيلِهِۦ وَهُوَ أَعۡلَمُ بِمَنِ ٱهۡتَدَىٰ [٣٠]

Entu ba i nasawt na kataw nilan, su Kadenan nengka i labi a mataw sa natadin kanu agama nin, endu sekanin a (Allah) i mataw sa pakatuntul.

وَلِلَّهِ مَا فِي ٱلسَّمَٰوَٰتِ وَمَا فِي ٱلۡأَرۡضِ لِيَجۡزِيَ ٱلَّذِينَ أَسَٰٓـُٔواْ بِمَا عَمِلُواْ وَيَجۡزِيَ ٱلَّذِينَ أَحۡسَنُواْ بِٱلۡحُسۡنَى [٣١]

Endu kanu Allah su dalem nu manga langit endu su lupa, endu pembalasan nin su manga mawag a taw kanu galebek nilan, endu pembalasan nin bun su manga mapya sa mapya bun.

ٱلَّذِينَ يَجۡتَنِبُونَ كَبَٰٓئِرَ ٱلۡإِثۡمِ وَٱلۡفَوَٰحِشَ إِلَّا ٱللَّمَمَۚ إِنَّ رَبَّكَ وَٰسِعُ ٱلۡمَغۡفِرَةِۚ هُوَ أَعۡلَمُ بِكُمۡ إِذۡ أَنشَأَكُم مِّنَ ٱلۡأَرۡضِ وَإِذۡ أَنتُمۡ أَجِنَّةٞ فِي بُطُونِ أُمَّهَٰتِكُمۡۖ فَلَا تُزَكُّوٓاْ أَنفُسَكُمۡۖ هُوَ أَعۡلَمُ بِمَنِ ٱتَّقَىٰٓ [٣٢]

Silan na pedsanggilan nilan su manga sela a kadusan endu manga maledsik, ya tabya na su manga manawt, ka ampunen amayka pidsanggilan su manga masla, su Kadenan nengka na mawlad su ampun nin, endu sekanin i mataw sa lekanu, ka binaluy kanu nin ebpun sa lupa, kanu lu kanu pan sa tiyan nu ina nu sa manga manawt kanu, na di nu bamedta i ginawa nu ka su Allah i mataw sa benal a magilek sa kadenan.

أَفَرَءَيۡتَ ٱلَّذِي تَوَلَّىٰ [٣٣]

Natawan nengka su taw (Muhammad) a minenda sa iman?

وَأَعۡطَىٰ قَلِيلٗا وَأَكۡدَىٰٓ [٣٤]

Endu minenggay sa paydu, ya madakel na inisama nin a inidsingit nin.

أَعِندَهُۥ عِلۡمُ ٱلۡغَيۡبِ فَهُوَ يَرَىٰٓ [٣٥]

Katawan su gayb, ka sekanin i pakailay.

أَمۡ لَمۡ يُنَبَّأۡ بِمَا فِي صُحُفِ مُوسَىٰ [٣٦]

Da mapanudtul sa lekanin su natagu kanu Taurat nu Musa?

وَإِبۡرَٰهِيمَ ٱلَّذِي وَفَّىٰٓ [٣٧]

Endu su Ibrahim a sinampulna nin su inisugu lun.

أَلَّا تَزِرُ وَازِرَةٞ وِزۡرَ أُخۡرَىٰ [٣٨]

Sa di mandusa na isa i dusa nu kaped nin.

وَأَن لَّيۡسَ لِلۡإِنسَٰنِ إِلَّا مَا سَعَىٰ [٣٩]

Endu da makwa nu taw a liyu kanu galebek nin.

وَأَنَّ سَعۡيَهُۥ سَوۡفَ يُرَىٰ [٤٠]

Endu su galebek nin di sumala na mailay nin.

ثُمَّ يُجۡزَىٰهُ ٱلۡجَزَآءَ ٱلۡأَوۡفَىٰ [٤١]

Mawli na balasan sa balas a dala kulang nin.

وَأَنَّ إِلَىٰ رَبِّكَ ٱلۡمُنتَهَىٰ [٤٢]

Endu lu bun tanan makabpawang su taw sa Allah.

وَأَنَّهُۥ هُوَ أَضۡحَكَ وَأَبۡكَىٰ [٤٣]

Endu sekanin i mapadtatawa endu mapaulyang.

وَأَنَّهُۥ هُوَ أَمَاتَ وَأَحۡيَا [٤٤]

Endu sekanin a bangimatay a banguyag.

وَأَنَّهُۥ خَلَقَ ٱلزَّوۡجَيۡنِ ٱلذَّكَرَ وَٱلۡأُنثَىٰ [٤٥]

Endu binaluy nin i duwa ka biyas mama endu babay.

مِن نُّطۡفَةٍ إِذَا تُمۡنَىٰ [٤٦]

Nakabpun sa mani amayka nakadiken kanu rahim nu babay.

وَأَنَّ عَلَيۡهِ ٱلنَّشۡأَةَ ٱلۡأُخۡرَىٰ [٤٧]

Endu pakambuwat pamun sa uliyan na kapatay nin.

وَأَنَّهُۥ هُوَ أَغۡنَىٰ وَأَقۡنَىٰ [٤٨]

Endu sekanin i papegkawasa endu bagimu sa tamuk.

وَأَنَّهُۥ هُوَ رَبُّ ٱلشِّعۡرَىٰ [٤٩]

Endu sekanin i Kadenan nu bitun a pedsimban nu.

وَأَنَّهُۥٓ أَهۡلَكَ عَادًا ٱلۡأُولَىٰ [٥٠]

Endu sekanin i mininasa kanu Aad paganay.

وَثَمُودَاْ فَمَآ أَبۡقَىٰ [٥١]

Endu su Thamud sa dala inisama nin.

وَقَوۡمَ نُوحٖ مِّن قَبۡلُۖ إِنَّهُمۡ كَانُواْ هُمۡ أَظۡلَمَ وَأَطۡغَىٰ [٥٢]

Endu su taw nu Nuh a nawna, kagina silan na nakasagad i kadupang nilan endu kadarwakan.

وَٱلۡمُؤۡتَفِكَةَ أَهۡوَىٰ [٥٣]

Endu su dalpa nu taw nu Lut a nakelid.

فَغَشَّىٰهَا مَا غَشَّىٰ [٥٤]

Natambakan na manga watu.

فَبِأَيِّ ءَالَآءِ رَبِّكَ تَتَمَارَىٰ [٥٥]

Na ngin pan i limu nu Kadenan nengka sa leka a manusya ka enduwa-duwa ka bun?

هَٰذَا نَذِيرٞ مِّنَ ٱلنُّذُرِ ٱلۡأُولَىٰٓ [٥٦]

Namba na kuyug kanu nawna a ibanginggilek.

أَزِفَتِ ٱلۡأٓزِفَةُ [٥٧]

Masupeg den su kabangkit sa dunya.

لَيۡسَ لَهَا مِن دُونِ ٱللَّهِ كَاشِفَةٌ [٥٨]

Da salakaw sa Allah a makapambuwat lun.

أَفَمِنۡ هَٰذَا ٱلۡحَدِيثِ تَعۡجَبُونَ [٥٩]

Na kagayp kanu sa kanu Qur’an.

وَتَضۡحَكُونَ وَلَا تَبۡكُونَ [٦٠]

Edtatawa kanu bu sa di kanu makawliyang.

وَأَنتُمۡ سَٰمِدُونَ [٦١]

Sekanu na nasimpang kanu.

فَٱسۡجُدُواْۤ لِلَّهِۤ وَٱعۡبُدُواْ۩ [٦٢]

Sugyud kanu sa Allah endu pakaisa nu bu sekanin.