The Noble Qur'an Encyclopedia

Su pinakamalimu a Allah.

Namandu sa Qur’an.

Binaluy nin su manusya.

Sekanin (Allah) na pinagkataw nin edtalu.

Su senang endu ulan-ulan na balalaguy sa tuganul.

Endu su manga bitun endu su kayu na pedsugyud (sa Allah).

Endu su manga langit na inipulu nin endu inibetad nin su timbangan.

Na da ka nu endalat sa timbangan.

Endu itunay nu su kadtimbang sa bantang, endu di nu lumapis (lumugi) su katimbang nu.

Endu su lupa na inibetad nin kanu manga taw.

Aden lun i manga unga na kayu, endu kayu kulma aden pusu nin.

Endu lagas endu ulak nin endu baw nin.

Endaw pan i limu a dala sa lekanu (jin-manusya) ka mapandalbut kanu bun.

Binaluy su manusya ebpun sa lupa a mategas.

Endu binaluy nin su jin ebpun sa lendab a apuy.

Endaw i limu a dala sa lekanu (jin-manusya) ka mapandalbut kanu bun.

Kadenan a pedsebangan, endu kadenan nu sedepan.

Endaw pan i limu a dala sa lekanu (jin-manusya) ka mapandalbut kanu bun.

Pinandulug nin i lagat a matimus endu ig a tabang sa nakagkembila.

Aden pageletan nilan a di silan makadsimbul.

Endaw pan i limu a dala sa lekanu (jin-manusya) ka mapandalbut kanu bun.

San ba pakabpun su muntya, endu watu a ulak (mapulu i manga alaga nin).

Endaw pan i limu a dala sa lekanu (jin-manusya) ka mapandalbut kanu bun.

Endu san ba su manga bagedan a manga masla sa lagat, sa mana den palaw i kasla nin a inumbal na manusya.

Endaw pan i limu a dala sa lekanu (jin-manusya) ka mapandalbut kanu bun.

Langun a nakadalem sa lupa (atawaka dunya) na maka-awa bun tanan.

Su Allah bu i masama a mapulu a masla.

Endaw pan i limu a dala sa lekanu (jin-manusya) ka mapandalbut kanu bun.

Sekanin a (Allah) i bangenyan nu pitu lapis a langit endu lupa, na uman gay na papembuwaten nin su kahanda nin.

Endaw pan i limu a dala sa lekanu (jin-manusya) ka mapandalbut kanu bun.

Pagitungen nami su galebekan nu (manusya endu jin).

Endaw pan i limu a dala sa lekanu (jin-manusya) ka mapandalbut kanu bun.

Hay sekanu a jin endu manusya, amayka magaga nu i makalyu kanu sa kanu embala-bala sa langit endu su lupa na nakun ba ka lyu kanu, di kanu makalyu u di kena bagel.

Endaw pan i limu a dala sa lekanu (jin-manusya) ka mapandalbut kanu bun.

Makawma sa lekanu i kandila-dila nu apuy, endu pagelenen nin den su apuy, na dili kanu bun makagaga.

Endaw pan i limu a dala sa lekanu (jin-manusya) ka mapandalbut kanu bun.

Na amayka mawpak den su langit na mabaluy sa mana den tinunag a tumbaga.

Endaw pan i limu a da sa lekanu (jin-manusya) ka mapandalbut kanu bun.

Entu ba a gay na di kaidsan nu uman isa u ngin i dusa nin su manusya endu su jin.

Endaw i limu a da sa lekanu (jin-manusya) ka mapandalbut kanu bun.

Makilala su manga dupang kanu tanda nilan a maytem i biyas nilan, papedtalebpagan i biyas nilan endu ay nilan sa kawlug sa sa kanilan sa naraka.

Endaw pan i limu a da sa lekanu (jin-manusya) ka mapandalbut kanu bun.

Nya ba su apuy a papendalbuten nu manga dupang.

Pembabalibet silan kanu pamageletan nu apuy a sangat i kayaw nin.

Endaw pan i limu a dala sa lekanu (jin-manusya) ka mapandalbut kanu bun.

Su magilek sa katindeg sa kadenan nin na duwa i surga nin.

Endaw pan i limu a dala sa lekanu (jin-manusya) ka mapandalbut kanu bun.

Aden manga panga nin a kayu mimbiyas-byas i nanam nin.

Endaw pan i limu a dala sa lekanu (jin-manusya) ka mapandalbut kanu bun.

Nakadalem i duwa ka buwal a pelagilay.

Endaw pan i limu a dala sa lekanu (jin-manusya) ka mapandalbut kanu bun.

Nakadalem i unga na kayu, uman isa na duwa-kabyas (i embalangan nin).

Endaw pan i limu a dala sa lekanu (jin-manusya) ka mapandalbut kanu bun.

Pedsandeng silan kanu manga binelat a ya nin kama (bagiganan) na inistabraq, endu unga na kayu a makwa sa pedtindeg, magagayan, bagiga.

Endaw pan i limu a dala sa lekanu (jin-manusya) ka mapandalbut kanu bun.

Aden pan manga babay a mapya i kanggu-mata nin a dala pan silan makembil na manusya atawaka jin.

Endaw pan i limu a dala sa lekanu (jin-manusya) ka mapandalbut kanu bun.

Mana den silan a manga muntya a peg-kingdat.

Endaw pan i limu a dala sa lekanu (jin-manusya) ka mapandalbut kanu bun.

Dala balas nu mapya a di kena mapya.

Endaw pan i limu a dala sa lekanu (jin-manusya) ka mapandalbut kanu bun.

Endu aden pan lu sa baba nilan a duwa a surga.

Endaw pan i limu a da sa lekanu (jin-manusya) ka mapandalbut kanu bun.

A sangat i kangagadung nin.

Endaw pan i limu a dala sa lekanu (jin-manusya) ka mapandalbut kanu bun.

Lu pan ba i duwa a buwal a sanitiasa.

Endaw pan i limu a dala sa lekanu (jin-manusya) ka mapandalbut kanu bun.

Nakadalem kanu surga i unga na kayu kulma endu rumman.

Endaw pan i limu a dala sa lekanu (jin-manusya) ka mapandalbut kanu bun.

Aden pan manga mapya i palangay nin endu beneng nin.

Endaw pan i limu a dala sa lekanu (jin-manusya) ka mapandalbut kanu bun.

Manga bidadari, dinalindingan silan su bilik nilan sa surga.

Endaw pan i limu a dala sa lekanu (jin-manusya) ka mapandalbut kanu bun.

Dala makembil a manusya atawaka jin.

Endaw pan i limu a dala sa lekanu (jin-manusya) ka mapandalbut kanu bun.

Pedsandeng silan kanu gadung endu mapya i palas nin.

Endaw pan i limu a dala sa lekanu (jin-manusya) ka mapandalbut kanu bun.

Mahasuti su ngala nu Kadenan nengka a mapulu a malimu.