عربيEnglish

The Noble Qur'an Encyclopedia

Towards providing reliable exegeses and translations of the meanings of the Noble Qur'an in the world languages

The man [Al-Insan] - Filipino Translation (Maguindanaon) - Rowad Translation Center

Surah The man [Al-Insan] Ayah 31 Location Madanah Number 76

هَلۡ أَتَىٰ عَلَى ٱلۡإِنسَٰنِ حِينٞ مِّنَ ٱلدَّهۡرِ لَمۡ يَكُن شَيۡـٔٗا مَّذۡكُورًا [١]

Ngintu aden ba minukit kanu manusya a bandingan sa lekanin sa timpu a da pan sekanin?

إِنَّا خَلَقۡنَا ٱلۡإِنسَٰنَ مِن نُّطۡفَةٍ أَمۡشَاجٖ نَّبۡتَلِيهِ فَجَعَلۡنَٰهُ سَمِيعَۢا بَصِيرًا [٢]

Saben-sabenal a binaluy nami su manusya ebpun sa mani’ a midsimbul (ig nu babay endu mama).

إِنَّا هَدَيۡنَٰهُ ٱلسَّبِيلَ إِمَّا شَاكِرٗا وَإِمَّا كَفُورًا [٣]

Saben-sabenal na tinutulu nami sekanin sa lalan a mapya, na u di kena edsukur sekanin (a manusya) na egkafir.

إِنَّآ أَعۡتَدۡنَا لِلۡكَٰفِرِينَ سَلَٰسِلَاْ وَأَغۡلَٰلٗا وَسَعِيرًا [٤]

Saben-sabenal na inidtatalanga nami kanu manga kafir su lantay-lantay endu sangkali endu su pegkalaw-kalaw a apuy.

إِنَّ ٱلۡأَبۡرَارَ يَشۡرَبُونَ مِن كَأۡسٖ كَانَ مِزَاجُهَا كَافُورًا [٥]

Saben-sabenal su manga mapya a manga taw na sya silan baginem sa basu a sinimbulan sa kafur (ig a mapya i nanam nin).

عَيۡنٗا يَشۡرَبُ بِهَا عِبَادُ ٱللَّهِ يُفَجِّرُونَهَا تَفۡجِيرٗا [٦]

Su buwal a baginumen nu manga ulipen nu Allah na apya endaw nilan pasangulen atawaka pambuwaten.

يُوفُونَ بِٱلنَّذۡرِ وَيَخَافُونَ يَوۡمٗا كَانَ شَرُّهُۥ مُسۡتَطِيرٗا [٧]

Sabap sa silan a manga taw na pedtumanen nilan i samaya nilan, endu gagilekan silan kanu gay a nakalapat i kapasang nin.

وَيُطۡعِمُونَ ٱلطَّعَامَ عَلَىٰ حُبِّهِۦ مِسۡكِينٗا وَيَتِيمٗا وَأَسِيرًا [٨]

Endu ipapegkan nilan su pegken kanu dayt a makakalimu a miskinan endu yateem endu nasigkem.

إِنَّمَا نُطۡعِمُكُمۡ لِوَجۡهِ ٱللَّهِ لَا نُرِيدُ مِنكُمۡ جَزَآءٗ وَلَا شُكُورًا [٩]

Na edtalun nilan: saben-sabenal na lalan sa Allah i kapapegkan nami sa lekanu, da kyug nami sa balasan kami nu atawaka edsukuran kami nu.

إِنَّا نَخَافُ مِن رَّبِّنَا يَوۡمًا عَبُوسٗا قَمۡطَرِيرٗا [١٠]

Ka saben-sabenal a ipegkagilek nami kanu Kadenan nami su gay a mapasang a mawget.

فَوَقَىٰهُمُ ٱللَّهُ شَرَّ ذَٰلِكَ ٱلۡيَوۡمِ وَلَقَّىٰهُمۡ نَضۡرَةٗ وَسُرُورٗا [١١]

Linepas nu Allah silan kanu kawagan nu namba a gay, endu inalaw silan sa kapya na ginawa endu kagalaw.

وَجَزَىٰهُم بِمَا صَبَرُواْ جَنَّةٗ وَحَرِيرٗا [١٢]

Endu binalasan silan sabap sa kanu kinadsabar nilan sa surga, endu balegkas a sutra.

مُّتَّكِـِٔينَ فِيهَا عَلَى ٱلۡأَرَآئِكِۖ لَا يَرَوۡنَ فِيهَا شَمۡسٗا وَلَا زَمۡهَرِيرٗا [١٣]

Pedsandeng silan lu kanu manga kantil (katri), a da mailay nilan lu sa surga a senang endu da mayaw a sangat atawaka matenggaw.

وَدَانِيَةً عَلَيۡهِمۡ ظِلَٰلُهَا وَذُلِّلَتۡ قُطُوفُهَا تَذۡلِيلٗا [١٤]

Endu masupeg sa kanilan su manga panga na kayu a aden unga nin, na pendayan nilan pedtupu sa endaw i kyug nilan.

وَيُطَافُ عَلَيۡهِم بِـَٔانِيَةٖ مِّن فِضَّةٖ وَأَكۡوَابٖ كَانَتۡ قَوَارِيرَا۠ [١٥]

Endu ipembalibet sa kanilan su bananagwan a bulawan pilak endu manga basu a manga katya a da sya sa dunya.

قَوَارِيرَاْ مِن فِضَّةٖ قَدَّرُوهَا تَقۡدِيرٗا [١٦]

Manga katya a pilak, a naukul kanu surga i uman-isa.

وَيُسۡقَوۡنَ فِيهَا كَأۡسٗا كَانَ مِزَاجُهَا زَنجَبِيلًا [١٧]

Endu pabpaginemen silan sya sa basu a sinimbulan sa luya sa surga.

عَيۡنٗا فِيهَا تُسَمَّىٰ سَلۡسَبِيلٗا [١٨]

Aden pamun lawas na ig a nya nin ngala na Salsabila.

۞ وَيَطُوفُ عَلَيۡهِمۡ وِلۡدَٰنٞ مُّخَلَّدُونَ إِذَا رَأَيۡتَهُمۡ حَسِبۡتَهُمۡ لُؤۡلُؤٗا مَّنثُورٗا [١٩]

Endu pambalibeten silan na manga wata a tatap den sa surga, sa ya kailay nilan na muntya a pegkendap.

وَإِذَا رَأَيۡتَ ثَمَّ رَأَيۡتَ نَعِيمٗا وَمُلۡكٗا كَبِيرًا [٢٠]

Endu amayka mailay nengka na lu nengka ba mailay i limu endu kadatu a masela.

عَٰلِيَهُمۡ ثِيَابُ سُندُسٍ خُضۡرٞ وَإِسۡتَبۡرَقٞۖ وَحُلُّوٓاْ أَسَاوِرَ مِن فِضَّةٖ وَسَقَىٰهُمۡ رَبُّهُمۡ شَرَابٗا طَهُورًا [٢١]

Balegkas nilan tampal sa lawas na sundus a gadung endu istabraq, endu su manga lamba nu badan nilan na manga pilak, endu pabpaginemen silan sa suti a baginemen.

إِنَّ هَٰذَا كَانَ لَكُمۡ جَزَآءٗ وَكَانَ سَعۡيُكُم مَّشۡكُورًا [٢٢]

Na saben-sabenal a namba i lekanu a balas, sabap sa langun nu manga galebekan nu sa dunya na pedsukuran nu.

إِنَّا نَحۡنُ نَزَّلۡنَا عَلَيۡكَ ٱلۡقُرۡءَانَ تَنزِيلٗا [٢٣]

Saben-sabenal a initulun nami sa leka (Muhammad) su Qur’an sa sampulna.

فَٱصۡبِرۡ لِحُكۡمِ رَبِّكَ وَلَا تُطِعۡ مِنۡهُمۡ ءَاثِمًا أَوۡ كَفُورٗا [٢٤]

Na sabar ka kanu kukuman nu kadenan nengka, di ka maginuguti i baradusa atawaka kafir.

وَٱذۡكُرِ ٱسۡمَ رَبِّكَ بُكۡرَةٗ وَأَصِيلٗا [٢٥]

Endu tademi ka su ngala nu Kadenan nengka sa mapita-malulem.

وَمِنَ ٱلَّيۡلِ فَٱسۡجُدۡ لَهُۥ وَسَبِّحۡهُ لَيۡلٗا طَوِيلًا [٢٦]

Endu ped ku magabi na sugyud ka sa lekanin endu tasbih ka sekanin sa magabi a malendu.

إِنَّ هَٰٓؤُلَآءِ يُحِبُّونَ ٱلۡعَاجِلَةَ وَيَذَرُونَ وَرَآءَهُمۡ يَوۡمٗا ثَقِيلٗا [٢٧]

Saben-sabenal a silan antu a manga kafir na ya nilan kalilinyan na sagugunay, ipedtagak nilan su kadunggwan nilan sa gay a mawgat.

نَّحۡنُ خَلَقۡنَٰهُمۡ وَشَدَدۡنَآ أَسۡرَهُمۡۖ وَإِذَا شِئۡنَا بَدَّلۡنَآ أَمۡثَٰلَهُمۡ تَبۡدِيلًا [٢٨]

Tig nu Allah, binaluy nami silan, endu pigkabagel nami su zukuwan nu lawas nilan, amayka ya nami kyug i sambyan nami silan sa pagidsan nilan na entuba i manggula.

إِنَّ هَٰذِهِۦ تَذۡكِرَةٞۖ فَمَن شَآءَ ٱتَّخَذَ إِلَىٰ رَبِّهِۦ سَبِيلٗا [٢٩]

Saben-sabenal su nyaba na indawan kanu langun na taw, na entayn i pegkyug (sa mapya) na yanin tuntulen su lalan nu Kadenan nin.

وَمَا تَشَآءُونَ إِلَّآ أَن يَشَآءَ ٱللَّهُۚ إِنَّ ٱللَّهَ كَانَ عَلِيمًا حَكِيمٗا [٣٠]

Na dala bun lekanu a kahanda, ya tabya na kahanda nu Allah, ka sekanin i mataw mapambetad kanu makadayt.

يُدۡخِلُ مَن يَشَآءُ فِي رَحۡمَتِهِۦۚ وَٱلظَّٰلِمِينَ أَعَدَّ لَهُمۡ عَذَابًا أَلِيمَۢا [٣١]

Paludepen nu (Allah) kanu limu nin su taw a pegkyugan nin, na inidtatalanga nin kanu manga darwaka su siksa a masakit a malipedes.