The Noble Qur'an Encyclopedia
Towards providing reliable exegeses and translations of the meanings of the Noble Qur'an in the world languagesThe Most High [Al-Ala] - Filipino Translation (Maguindanaon) - Rowad Translation Center
Surah The Most High [Al-Ala] Ayah 19 Location Maccah Number 87
Tasbih ka (Muhammad) su ingala nu Kadenan nengka a pinakamapulu.
A namaluy sa manusya sa nakandadayta.
Endu minukul a timutulu.
Endu napalyu kanu manga bangengetu’.
Na binaluy nin intu a magangu a maytem.
Di sumala na pabatiyan nami seka (Muhammad) na di nengka kalipatanan.
Ya tabya na nganin a egkahandan nu Allah ka saben-sabenal na katawan nin su mapayag endu nganin a ipedsulen.
Endu pakalemuwan nami seka kanu malemu.
Na patadem ka (Muhammad) amayka makangguna sa kanilan su patadem.
Ya ma-indaw na su magilek.
Endu tangkan intuba (a patadem) nu manga dupang.
A pakaludep sa naraka a masla.
Mawli na da kapatay lun endu da kawyag.
Saben-sabenal na badtugan den su entayn i midsuti (nag-Islam).
Endu tinademanin su ingalan nu Kadenan in na midsambayang.
Kena besen! Ka ibelabi nu su uyag-uyag sya sa dunya.
Endu su akhirat na ya labi a mapya endu tanikyasa.
Saben-sabenal i namba na nadalem kanu Suhuf (manga kitab) a nangawna.
Kanu Suhuf ni Ibrahim endu Musa.