The Noble Qur'an Encyclopedia
Towards providing reliable exegeses and translations of the meanings of the Noble Qur'an in the world languagesThe earthquake [Al-Zalzala] - Filipino Translation (Maguindanaon) - Rowad Translation Center
Surah The earthquake [Al-Zalzala] Ayah 8 Location Madanah Number 99
Amayka palinugen den su lupa sa tidtu a kalinug.
Endu palyun den nu lupa su langun u nakadalem lun.
Endu ya madtalu nu manusya na “Nginyaba?”
Su entuba a gay na panudtulen nu lupa su tudtulan nin.
Sabap sa saben-sabenal na iniwahi nu Kadenan nengka (Muhammad) kanu lupa i mamanudtul.
Gay a makambuwat su manga manusya ebpun kanu pakuburan nilan sa lumpuk-lumpuk silan ka endu makapailay kanilan su manga galebekan nilan.
Na entayn i taw a enggalebek sa mana bu tepung a mapya na mailay nin.
Endu entayn i taw a enggalebek sa mana bu tepung a mawag na mailay nin.